काठमाडौं । हिमालय एयरलाइन्सले कोरोना संक्रमण (कोभिड–१९) महामारीका कारण रोकिएको दुबई उडान पुनः सुचारु गरेको छ । कम्पनीले सातामा तीन उडानसहित दुबई उडान सुरु गरेको हो ।

कम्पनीले काठमाडौं–दुबई–काठमाडौं उडानमा यात्रुहरुको संख्या पनि बढ्दो क्रममा रहेको जनाएको छ ।

आइतबार, मंगलबार र बिहीबार काठमाडौंबाट दुबई र दुबईबाट सोमबार, मंगलबार र बिहीबार काठमाडौं उडान गर्ने एयरलाइन्सले जनाएको छ ।