काठमाडौं । कोरोना भाइरस महामारी (कोभिड–१९) का कारण करीब एक वर्षयता विश्वमै भ्रमणका तरिकाहरुमा व्यापक फेरबदल आएको छ । कोरोनाकै कारण विश्वभर भ्रमणका तरिकाहरुमा पूर्ण रूपमा परिवर्तन भएको छ । महामारीले मुख्यत हवाई उडानहरूलाई बढी जटिल बनाएको छ ।
कोरोनाकै कारण लामो समयसम्म धेरै देशले अन्तरदेशीय र अन्तरराष्ट्रिय उडानहरुमा प्रतिबन्ध लगाए भने अहिलेसम्म पनि भ्रमणमा निस्कन चाहनेहरुका लागि क्वारेन्टाइनको जोखिम र उडान रद्दजस्ता अफठ्याराहरुको सामना गर्नु परिरहेको छ ।
यसैकारण सकेसम्म हवाईयात्रा गर्न नपरे हुन्थ्यो भन्ने धेरैको मनसाय रहेको देखिन्छ । लामो समय कोरोनाका कारण बन्दाबन्दीमा ग्राउण्डेड हुनुपर्दा हवाई उद्योग अहिले संकटतर्फ पुगेको छ । जसका कारण सन् २०२० मा नै टाट पल्टने बाटोमा गएका ४० प्रतिशतभन्दा बढी एयरलाइन्सको साथै पछिल्लो समय धेरै एयरलाइन्स कम्पनीले आफ्नो मुख्य आम्दानी गुमाउँदा हवाई उद्योगमा सोचेभन्दा गम्भीर अवस्था आएको छ ।
उदाहरणको लागि फ्रान्समा अन्तर्राष्ट्रिय उडान ट्राफिक ८८.८८ प्रतिशतले घटेकोे छ । एयरलाइन टिकट साइटहरू जस्तै कयाकले फ्रेन्च स्टार्टअप कोम्बोबाट वर्तमान समस्यामा आफ्नो व्यापार बचाउनका लागि ट्रेन टिकटहरू बेच्न शुरू गरेको छ ।
महामारीले उडानहरूलाई बढी जटिल बनाउँदै जाँदा बन्द हुने संघारमा पुगेका कतिपय एयरलाइन्सहरुले राज्यले प्रदान गरेको वित्तीय सहायताबाट फाइदा लिएका छन् । तर, सन २०२० मा ४० प्रतिशतभन्दा बढी एयरलाइन्सहरूले टाट पल्टेको घोषणा गरिसकेका छन् । जसमध्ये आधा युरोपका कम्पनी छन् र यस्तो सूची दिनदिनै बढ्दैछ । हजारौं कर्मचारीहरूको जागिर गुमेको छ । एक बर्षभन्दा कम समयमा आएटाद्वारा अनुमोदित २९० कम्पनीहरुमा १० प्रतिशतभन्दा बढी यस्तो अवस्था आएको देखिएको छ ।
महामारीका कारण पनि धेरै ग्लोबेट्रोटरहरूको बीचमा घर, कार्यालय र भिडियो बैठकहरू माध्यमबाट ठूला बैठक, सम्मेलनमा भाग लिने वातावरण बनेको छ । यस्तो प्रवृत्ति लामोसमय देखि स्थायी बन्दै जाँदा हवाई यातायात पहिले जस्तो स्वरुपमा फर्किन नसकने देखिन्छ । यस अवस्थामा ५० प्रतिशत एयरलाइन्स कम्पनीहरु अबको ३ बर्ष भित्र टाट पल्टिने अनुमान गरिएको छ ।
अहिले यस क्षेत्रको रूपान्तरणका उदाहरणहरूमध्ये अमेरिकी साइट कयाकले आफ्नो प्रस्तावलाई अनुकूलन गरिरहेको छ । कयाकले भर्खर आफ्नो सेवामा ‘ट्रेन’ खण्ड थपेको छ । यसका प्रयोगकर्ताहरूले अब ट्रेन र बस टिकटहरू फेला पार्न सक्छन् । पेरिस–टुलुज, पेरिस–मार्सिले वा पेरिस–बोर्डो जस्ता छोटो यात्राका गन्तब्य जहाँ ट्रेन र विमान प्रतिस्पर्धामा छन् यस्तोमा हवाईयात्राको विकल्प बस र ट्रेन बन्दै गएको अवस्था छ ।
स्टार्ट अप कोम्भोसँग एसएनसीएफ जस्ता ट्रेन कम्पनीहरूको स्वीकृति छ, साथसाथै यस टेक्नोलोजीले अन्य साइटहरूमा रेल टिकटहरू आपूर्ति गर्न अनुमति दिन्छ । कोम्बोका सहसंस्थापक र सीईओ म्याथिउ मार्क्वेनेट भन्छन– ‘विरोधाभासपूर्ण कुरा के छ भने २०१२ को तुलनामा २०२० मा हामीले हाम्रो बिक्री दोब्बर बनायौं। धेरै उडान र आवास साइटहरूले रेल टिकट बेच्न रुचि लिन थालेका छन् । हामी देख्न सक्छौं कि फ्रान्सेलीहरू घरबाट कम टाढा जान चाहन्छन् ।’
कोम्बोले प्रत्येक महिना यसको यूरोपीय कभरेज विस्तार गर्दैछ र यूरोस्टार वा थालिस ट्रेनहरूका लागि अन्तर्राष्ट्रिय लाइनहरू पहिले नै प्रस्ताव गरिएको छ । जसले हवाई यात्राको विकल्प खोज्न थालेको स्पष्ट देखिन्छ ।-ट्राभडेलीन्यूजडटकमबाट अनुवाद
