काठमाडौं । नेपाल नागरिक उड्डयन प्राधिकरणले हिमालय एयरलाईन्सलाई सेल्फ ग्राउन्ड ह्यान्डलिङको सुविधा दिने निर्णय गरेपछि नेपाल वायुसेवा निगमका कर्मचारी आन्दोलित भएका छन् । सोमबार एक विज्ञप्ती जारी गर्दै नेपाल वायुसेवा निगम कर्मचारी संघले चरणवद्ध आन्दोलनको घोषणा गरेको हो ।
असोज ४ गते प्राधिरकरणको बैठकले विदेशी लगानीको हिमालय एयरलाईन्सलाई त्रिभुवन अन्तरराष्ट्रिय विमानस्थलतमा सेल्फ ग्राउन्ड ह्यान्डलिङको अनुमति दिने निर्णय गरेको थियो । त्यसैको विरोधमा निमका कर्मचारीले एक विज्ञप्तीसमेत जारी गरेका थिए ।
तर संस्कृति, पर्यटन तथा नागरिक उड्डयन मन्त्री योगेश कुमार भट्टराईले तत्काल हिमालय एयरलाईन्सलाई सेल्फ ग्राउन्ड ह्यान्डलिङको अनुमति नदिन प्राधिकरणलाई मौखिक निर्देशनसमेत दिईसकेका छन् ।
यसरी कुनै औपचारिक रुपमै हिमालय एयरलाईन्सलाई दिईने अनुमति रद्ध गर्ने निर्णय नभएकाले निगमका कर्मचारीहरुले आन्दोलनका घोषणा गरेका हुन् । निगमका कर्मचारीहरुले मन्त्रीको ठाडै निर्देशनमा अनुमति दिएको र सो कार्य राष्ट्र र राष्ट्र्यि हित विपरित भएको भन्दै चरणवद्ध आन्दोलनको घोषणा गरेका हुन् ।
कर्मचारीहरुले घोषणा गरेको आन्दोलनअनुसार पहिलो दिन आज पत्रकार सम्मेलन गरी आन्दोलनको घोषणा गरिने छ भने दोस्रो दिन मंगलबार कर्मचारीले कालो पट्टी बाँधेर काम गर्ने घोषणा गरेका छ्न । यस्तै तेस्रो दिन बुधबार कर्मचारीहरुले संचालक समिति, कार्यकारी अध्यक्ष र नायव महाप्रवन्धकको कार्यकक्ष नै घेराउ गर्ने घोषणा गरेका छन् ।
यस्तै कर्मैचारीहरुले बिहीबार विभागिय प्रमुखहरुको कार्यकक्ष घेराउ गर्ने कार्यतालिका बनाएका छन् भने शुक्रबार आन्दोलनका समिक्षा गरिनेछ । यस्तै १८ गतेसम्म पनि माग पुरा नभएमा सबै कामहरु ठप्प पार्ने चेतावनी दिएका छन् ।
