काठमाडौँ । विश्वको सबै भन्दा ठुलो जुवा अड्डा मकाउ कोरोना महामारीका बीच पुन संचालनमा आएको छ । क्यासिनोको केन्द्रविन्दु रहेको मकाउले पर्यटक भिसा दिन शुरु गरको छ । एशियाको जुवा अड्डाको रुपमा रहेको मकाउ कोरोना भाइरसको कारण सुनसान भएको थियो ।
लकडाउनको कारण मकाउ जान प्रतिबन्ध लगाइएको थियो । मकाउको अधिकारीहरुको अनुसार, बुधवारबाट पर्यटकको लागि भिसा चरणगत रुपमा उपलब्ध छ । क्यासियो संचलाकहरुले हरेक दिन करिब एक मिलियन अमरिकी डलर घाटा भएको बताएका छन् ।
विशेष व्यवस्था रहेको कोरोनाग्रसित क्षेत्र जसतै हङकङ तथा चीनबाट आउने पर्यटकलाई चरणगत रुपमा भिसा उपलब्ध हुने मकाउले जानकारी दिएको छ । तर मकाउबाट चीन बाहिर यात्रा गर्ने भिसा उपलब्ध नहुने अधिकारीहरुले बताएका छन् ।
मकाउबाट चीनको अन्य शहरमा भिसा उपलब्ध हुने पहिलो शहर मकाउको नजिकै रहेको जुहाई हुनेछ । अगष्ट र सेप्टेम्बर महिनाबाट बिस्तारै अन्य देशको लागी पनि भिसा खुला हुने चीनको राष्ट्रिय अध्यागमन विभागले जनाएको छ ।
क्यसिनो संचालकहरु जनावरीको अन्त्य देखि लगाइएको यात्रा प्रतिबन्ध खुल्ने संगै उत्साहित भएका छन् । चीनिया माग अनुसार मकाउको आम्दानि लस भेगसको भन्दा पाँच गुणा अधिक रहेको छ । भिसा खुलाएसंगै मकाउबाट चीन फर्किदा दुई हप्ताको क्वारेन्टाइन बस्नुपर्ने नियम पनि हटाइएको छ ।
मकाउमा ४६ जना संक्रमण भएका छन् भने अहिलेसम्म भाइरसको कारण मृत्यु भएको छैन । मकाउको अर्थतन्त्र पुरै पर्यटन र जुवाको खेलमा निर्भर छ जुन यस वर्षको पहिलो त्रैमासिकमा ४९ प्रतिशतले कम भएको छ ।
फेब्रुवरीमा १५ दिनको सटडाउन पछि क्यासिनो संचालकलाई व्यापार संचालन गर्न अनुमति दिइएको थियो । तर बाहिरको पर्यटक आगमनमा प्रतिबन्ध लगाइएको थियो । यहाँ प्रायजसो, करिब ९० प्रतिशत पर्यटक चीनबाट जाने गर्दछन् ।
मकाउमा सान्डस,विन, ग्यालेक्सी र एमजिएम जस्ता ठुला क्यासिनो रहेको छ । इन्भेस्टमेन्ट बैंक मोर्गन स्ट्यानलीले अप्रिल देखि जुन सम्ममा मकाउका प्राय क्ससिनो बन्द हुने तथा एक बिलियन घाटा हुने बताएका थिए । सन् २०१९ को तुलनामा करिब ८४ प्रतिशत पर्यटक कम भएको मकाउले बताएको छ । एजेन्सी
