काठमाडौं । हिमालय एयरलाईन्सले शनिबारदेखि आबुधाबीको उडान स्थगित गर्ने भएको छ । कोभिड १९ (कोरोना भाईरस) का कारण यस अघि चीन, दोहा, मलेसिया, ढाका तथा दमामको उडान स्थगित गरिसकेको छ ।
कम्पनीले कोरोना भाईरस फैलाउन नदिने उद्देश्य अनुरुपनै सम्वन्धित देशका सरकारी निकायहरुद्धारा देश प्रदेश र भिसामा लगाएको अस्थाई प्रतिबन्ध अनुरुप उडान स्थगित गरेको जानकारी दिएको छ ।
कम्पनीले टिकट रद्ध भएको मितिदेखि सम्वन्धित उडानका लागि टिकट लिईसकेका यात्रुहरुले एक पटकको लागि निशुल्क यात्राको मिति परिवर्तन गर्न सकिने जानकारी दिएको छ । साथै मिति परिवर्तन गर्नु परेमा आफ्नो ट्राभल वा बुकिङ एजेन्टसँग सम्पर्क गर्न समेत आग्रह गरेको छ ।
