काठमाडौं । नेपाल वायुसेवा निगमले भारतको नयाँ दिल्ली, मुम्बई र बैंगलोरमा गर्दै आएको नियमित उडानहरु आईतबारदेखि स्थगित गर्ने भएको छ ।
डाइरेक्टोरेट जनरल अफ सिभिल एभिएसन भारतद्धारा कोभिड १९ संक्रमण रोकथाम तथा नियन्त्रण सम्बन्धमा जारी गरिएको सूचना अनुसार ती गन्तव्यको नियमित उडानहरु चैत १६ गतेसम्मका लागि स्थगित गरिएको छ ।
भारतका लागि दैनिक दुई उडान गर्दै आएको निगमले केही दिन अघिमात्रै एक उडान कटौति गरेको थियो तर अब भने निगमको सम्पूर्ण उडान स्थगित हुने भएको छ । चैत ९ गतेदेखि उडान स्थगित गरिएको अवधिभरका लागि टिकट खरिद गरेका यात्रुहरुलाई टिकट फिर्ता गर्दा भुक्तानी गरेको रकम पुरै उपलब्ध गराइने निगमले जानकारी दिएको छ ।
