काठमाडौं । अद्यागमन विभागले आज रातीदेखि लागु हुनेगरी आगमन भिषामा प्रतिबन्ध लगाएको छ । विभागले शुक्रबार एक सुचना जारी गर्दै विभिन्न मुलुकबाट नेपाल आउने भिषामा प्रतिवन्ध लगाएको हो ।
बिहीबार विश्व स्वास्थ्य संगठनले हालै विश्वभर फैलिएको कोरोना भाईरसलाई महामारीको संज्ञा दिएपछि विभागले उक्त निर्णय गरेको हो । मन्त्रपरिषदबाट पारित उक्त निर्णय अनुसार अब विदेशी पर्यटकलाई नेपालमा प्रतिबन्ध लगाईएको हो ।
अप्रिल ३० सम्मका लागि उक्त नियम लागु हुने विभागले जारी गरेको सुचनामा उल्लेख छ । विभागले जारी गरिएको सुचनामा विदेशबाट नेपालमा नआई नहुनेहरुले भने आफ्नो स्वास्थ्य जाँच गरेर मात्रै आउनु अनुरोध गरिएको छ । यस्तै विदेशबाट नेपाल आउने गैरआवशीय नेपालीले भने कम्तीमा ७ दिनअघि नै स्वास्थ्य जाँच गरी मात्रै नेपाल आउन पनउने सुचनामा उल्लेख छ ।
