काठमाडौं । हिमाल आरोही कामीरिता शेर्पाले सगरमाथाको २४ औँ पटक सफल आरोहण गरेको छ ।
उनले यस अघि आफैंले बनाएको २३ औं विश्व रेकर्डलाई तोडदै २४ औं पटक सगरमाथाको आरोहण गरी नयाँ कीर्तिमान कायम गरेका हुन ।
शेर्पाले मंगलबार बिहान साढे ६ बजे सगरमाथाको २४ औँ पटक सफल आरोहण गरेका हुन । यसअघि आरोही शेर्पाले जेठ १ गते सगरमाथाको २३ औँ पटक सगरमाथा आरोहण गरेका थिए । उनले एक हप्ताको अवधिमानै सगरमाथाको दोस्रो पटक सफल आरोहण गरेका हुन ।
यस वर्षको वसन्त ऋतुको सगरमाथा आरोहण गत वैशाख ३१ गते देखी सुरु भएको थियो । ४९ वर्षीय कामीरिताले आगामी वर्ष २५ औँ पटक सगरमाथा आरोहण गरेर विश्राम लिने यस अघिनै बताई सकेको छ ।
