काठमाडौं । नेपाल वायु सेवा निगमले विभिन्न पदमा १ सय ७४ जना कर्मचारी माग गरेको छ । निगमले शुक्रबार विज्ञापन आह्वान गर्दै सो संख्यामा कर्मचारी माग गरेको हो ।
निगमले माग गरेको कर्मचारीमा सिनियर क्याप्टेनदेखि ग्राउण्ड इक्युप्मेन्ट अपरेटरसम्मका रहेका छन । हाल उक्त रिक्त पदका लागि कर्मचारी माग गरेको निगमले जानकारी दिएको छ ।
निगमले सबैभन्दा बढी वरिष्ठ सहायकमा ३४ जना कर्मचारी माग गरेको छ । भने सहायकमा १८ र जुनियर क्याप्टेनमा १५ जना कर्मचारी माग गरिएको छ ।
लामो समय देखी पाइलटको अभाव खेप्दै आएको निगमले सिनियर क्याप्टेन १३ जनाका लागि विज्ञापन आह्वान गरेको छ ।
