काठमाडौं । नेपालगञ्जबाट हुने हवाई उडान मौसम खरावीका कारण प्रभावित भएको छ । विहान करिब पौने ७ देखी उडान गर्ने गरेको भए पनि मंगलबार भने उडान हुन सकेको छैन ।
नेपालगञ्जबाट डोल्पा, बाजुरा, सिमिकोट, रारा, जुम्ला, सांफेबगर, रुकुमको सल्ले तथा काठमाडौंमा हुने उडान मंगलबार विहानै देखी मौसम खराबीका कारण हुन नसकेको विमानस्थल प्रमुख प्रेमनाथ ठाकुरले जानकारी दिए ।
अहिले ति स्थानहरुमा जाने सबै उडान बन्द गरेको छ, मौसममा सुधार आएको रिपोर्ट आए पछि मात्रै उडान सुरु गर्ने ठाकुरले जानकारी दिए ।
उनका अनुसार केही जिल्लाहरुमा हिँउ परेकाले उडान भर्न सकेको छैन भने अन्य स्थानको लागि भने नेपालगञ्जकै मौसम खराव भएर उडान हुन सकेको छैन ।
नेपालगञ्जबाट उडान हुने स्थानहरुमा जाने यात्रुहरु मौसम खराब कै कारण विमानस्थलमा समेत आउन सकेको छैन । अहिले विमानस्थलमा यात्रुको चाप धेरै घटेको छ ठाकुरले भने ।
नियमित उडान हुने स्थानहरुमा जहाज जान सकेको छैन तर कार्गोविमानहरु भने फाट्ट फुट्ट गईरहेको ठाकुरले जानकारी दिएका छन ।
