काठमाडौं । नेपालका करिब ५४ वटा हिमाल आरोहण गर्न १ सय ६९ समुहले अनुमति लिएका छन ।
पर्यटन विभागका अनुसार २०१८ को जनवरी देखी नोबेम्बर १९ सम्ममा हिमाल आरोहणको लागि अनुमति लिनेको संख्या १ हजार ३ सय ५८ जना रहेको छ ।
विभागका अनुसार ६ हजार ५ सय मिटर भन्दा माथीको हिमाल आरोहणका लागि ९९ समुह र सो भन्दा मुनिको हिमाल आरोहणको लागि ७० वटा समुहले अनुमति लिएको बिभागका सुचना अधिकारी सुरेन्द्र थापाले जानकारी दिएका छन ।
विभागका अनुसार आमादब्लाम, अन्नपुर्ण, अपि हिमाल, धौलागिरी, गुर्जा, चामलाङ, मनास्लु, लोत्से लगायतका हिमाल आरोहणको लागि ९९ वटा समुहले अनुमति प्राप्त गरेका छन ।
त्यस्तै ६ हजार ५ सय मिटर भन्दा तलको हिमाल अरनिको चुली, अरदाङ, भृकुटी, लाङटाङ, मुस्ताङ लगायतका हिमाल आरोहण गर्ने ७० वटा समुह रहेका छन ।
