काठमाडौं । खराव मौसमका कारण पोखराबाट हुने उडान प्रभावित भएको छ । खराव मौसमका कारण पोखरा विमानस्थलबाट हुने सम्पूर्ण उडान बन्द रहेको पोखरा विमानस्थलले जानकारी दिएको छ । विमानस्थलका अनुसार विहान १० बजे एउटा हेलिकप्टर बाहेक कुनै उडान हुन सकेको छैन ।
पोखराबाट अग्ला डाँडाहरुमात्रै देखेको र पोखरा पुरै कुहिरोले ढाकेको विमानस्थलले जानकारी दिएको छ ।
बुद्ध एयरका मार्केटिङ म्यानेजर रुपेश जोशीका अनुसार मंगलबार विहान ६ बजे बाट हुने उडान १० बजेबाट मात्रै खुलेको जानकारी दिएका छन । त्यस्तै बुधबार पनि १० बजे सम्म उडान हुन नसकेको जोशीले जानकारी दिएका छन ।
बिहान ११ बजे सम्म खराब मौसम र बेलुका ३ बजे पछि विमानस्थलको धावनमार्ग सुधारको काम हुने भएकाले ३ बजे पछि उडान भर्न पाईदैन उनले भने ।
पोखरा विमानस्थल वेलुका ३ बजे र जनकपुर विमानस्थलबाट दिउसो १ बजे पछि उडान भर्न पाईदैन उनले भने । जनकपुर विमानस्थलको रनवेको काम भईरहेकाले १ बजे पछि उडान स्थगित गर्नु पर्छ जोशीले भने ।
