काठमाडौं । पोखरास्थित स्नोल्यान्ड होटल सुरुवातमा आएसँगै पोखरामा ओयोका विशिष्ट कोठाहरुको संख्या ५ सय पुगेको छ ।
४२ कोठा भएको स्नोल्यान्ड होटेलको उद्धघाटन पोखरा महानगरपालिकाका प्रवक्ता धनबहादुर नेपालीले गरेका हुन ।
नयाँ होटलको लन्चसंगै ओयोले नेपालभरि ८० भन्दा बढी होटलहरूको साथ साझेदारी गरिसकेको छ ।
ओयोका १ हजार ४ सय बढी आरामदायी, आधुनिक सुविधायुक्त, एयरकंडीशनिंग, सफा लिनन, निस्शुल्क वाई फाई, टेलिभिजन र ७ दिन २४ घन्टाकै सुविधायुक्त कोठा कम्तिमा प्रति रातको ९ सय रुपैयाँदेखि औसतमा २ हजार रुपैयाँमा उपलब्ध छन् ।
२०१७ मा कम्पनीको सुरुवात गरेसँगै कम्पनीको नेटवर्कमा बुकिङको संख्यामा १० गुणा वृद्धि भएको छ । मे २०१३ मा स्थापना भएको ओयोका विश्वभर ३५० भन्दा बढी शहरहरुमा होटेल श्रृंखला रहेका छन ।
