काठमाडौं । कतार एयरवेजले आफ्नो यात्रुहरुलाई नयाँ गन्तव्यको अनुभव लिन आमन्त्रण गरेको छ । एयरवेजले ३० प्रतिशत छुटका साथ नयाँ गन्तव्यको आनन्द लिन यात्रुहरुलाइ आमन्त्रण गरेको हो ।
एयरलाइन्सले सुरु गरेको ‘ब्रेथ ट्रेकिङ एक्सपेरियन्सेज, एक्स्ट्राअर्डिनरी अफर्स’ नामक अफर अन्तरगतको सेवा सुविधाको लागि हरेक बर्गका क्यविनमा ३० प्रतिशत सम्मको छुटको व्यबस्था गरेको छ ।
यसका साथै यस योजना अन्तरगत विशेष कम्प्यानियन अफरमा यात्रुहरु आफ्ना साथी तथा परिवारसंग ‘ए क्लास’ छुटका साथ एयरवेजको विश्वभरी रहेका सञ्जालमा घुम्न जान सक्नेछन ।
कतार एयरवेजका प्रमुख आर्थिक अधिकारी ईह्याव अमिनले एयरवेजले सुरु गरेको नयाँ अफरमा सहभागी भई विशेष छुटका साथ विश्वका रमाइला नयाँ ठाउँहरु घुम्न आमन्त्रण गरेका छन । उनले कम्प्यानियन अफरको विशेष छुटमा स्वागत समेत गरेका छन ।
यात्रुहरुले यात्रा योजनाको लागि अर्थात विशेष छुटका लागि फेब्रअरी २६ देखि मार्च ७ सम्ममा टिकट लिइसक्नुपर्नेछ । यात्रुहरुले यस योजना अन्तरगत नयाँ गन्तव्य रोज्न सक्नेछन जसमा मिलान ६९० डलरमा, पेरिस ७२० र लण्डन ७६० डलर बर्गिय भाडा रहेको एयरवेजले जानकारी दिएको छ ।
कतार एयरवेजले यो बर्ष नयाँ रोमाञ्चक गन्तव्य पनि जोड्दैछ । जसमा सियाङ मइ, थाइल्यान्ड, सेन्ट पिटर्सवर्ग, रसिया तथा पेनाङगयतका गन्तव्य रहेका छन ।
