काठमाडौं । नेपाल पर्यटन बोर्डका तत्कालीन कायमुकायम कार्यकारी प्रमुख सुवास निरौला दोषी ठहरिएका छन् ।
विशेष अदालतले नेपाल पर्यटन बोर्डको घोटाला प्रकरणमा सुवास निरौलासहित तीन जनालाई दोषी ठहर गरेको हो । २० जनाले भने सफाइ पाएका छन् ।
विषेश अदालतले पर्यटन बोर्डका निरौलालाई ७ वर्ष कैद र ८० लाख ५१ हजार जरिवाना पनि तोकेको छ ।
त्यस्तै अनिलकुमार दासलाई ६ वर्ष कैद सजाय सुनाएको छ । अदालतले महेन्द्र खनाललाई पनि दोषी ठहर गरेको हो ।
भ्रष्टाचारको अभियोगमा मुद्दा खेपेका नेपाल पर्यटन बोर्डका तत्कालीन निमित्त प्रमुख निरौला ३ करोड धरौटी बुझाएर छुटेका थिए ।
