मकवानपूर । गाउँ पर्यटन प्रवद्र्धन मञ्च (भिटोफ)ले २ दिने भ्रमण तथा अन्तरक्रिया कार्यक्रम आयोजना गरेको छ । ‘गाउँ गाउँमा पर्यटन विकाशको लहर ल्याउनु पर्छ, आर्थिक उन्नतीले मुहारमा खुसी ल्याउनु पर्छ’ भन्ने मुल नाराका मकवानपुरको थाहा नगरपालिका १ कुन्छाल गाउँ भ्रमण कार्यक्रम गरेको हो ।
भ्रमणको क्रममा त्यहाँका स्थानीय जनतासँग होमस्टे कसरी चलाउने पर्यटकलाई कसरी भित्र्याउनेलगायत विषयमा अन्तरक्रिया गरिएको थियो ।
भिटोफ नेपालले प्रत्येक बर्ष ३ गाउँलाई पर्यटकीय गाउँ घोषणा गर्दै आएको छ । साथै त्यस्ता पर्यटकीय गाउँहरुलाई प्रवद्र्धन गर्ने तथा प्याकेज बनाउनेसम्म काम गरेको (भिटोफ) नेपालका अध्यक्ष राम प्रसाद सापकोटाले जानकारी दिए ।
उनका अनुसार गाउँहरुमा सम्भावनाको अध्ययन गरी उत्कृष्टको आधारमा बार्षिक ३ गाउँलाई पर्यटकीय गाउँ घोषणा गर्ने गरेको हो ।
उक्त गाउँलाई ३८औँ विश्व पर्यटन दिवशको अवसरमा पर्यटन बोर्ड नेपालले काठमाडौमा भएको एक कार्यक्रममा घोषणा गरेको सापकोटाले बताएको छ ।
कुन्छाल गाउँमा पर्यटन विकासको लागि आर्थिक, शिक्षा तथा भौतिक पूर्वधारको विकास गर्नु पर्ने तथा पर्यटकको महत्व वुझाउनु पर्ने बताएका छन् ।
साथै खाना, सरसफाई तथा भाषामा समेत सुधार ल्याउनु पर्ने टान नेपालका अध्यक्ष नवराज दाहालले बताए ।
यहाँका मानिसहरु अन्ध विश्वासमा रहेकोले चेतनामा सुधार ल्याउनु पर्ने भिटोफका डा. प्रेम शर्माको भनाई रहेको छ । यहाँ जातिय नालीवेलीको अध्ययन गर्ने गन्तव्य समेत हुन सक्ने शर्माले बताए ।
प्रचार प्रसारमा कमी भएकै कारण यहाँ रहेका पौराणिक संस्कृति तथा पुरानो संरचना लोप हुने अवस्थामा छ । यसलाई निरन्तरता दिन आफुले सक्दो सहयोग गर्ने थाहा नगरपालिकाका मेयर लक्षुमन विष्टले वताएका छन ।
कार्यक्रम्मा टान, एएनएम, गुरुङ टुरिजम इन्टरनेश्नल एशेसिएशन, पर्यटन र्बोडलगायतका संस्थाहरुको करिब ७० जनाको सहभागिता रहेको थियो ।
