काठमाडौं । पर्यटन व्यवसायीहरुले सात वटै प्रदेशमा लगानी गर्न तयार रहेको बताएका छन् । नेपालको आर्थिक विकासका लागि सरकारले उचित नीति अख्तियार गर्ने र विमानस्थल, बाटो, उर्जा जस्ता अत्यावश्यक पूर्वाधारहरुमा लगानी गरेको खण्डमा आफुहरु लगानी गर्न तयार रहेको उनिहरुले बताएका हुन् ।
सोमबार होटल संघ नेपाल,नेपाल एसोसिएसन अफ टूर एण्ड ट्राभल एजेन्ट, नेपाल पर्वतारोहण संघ र नेपाल एसोसिएसन अफ राप्mिटङ को संयुक्त छलफल कार्यक्रममा उनिहरुले यस्ते बताएका हुन् । सो अवसरमा तीन मुख्य राजनीतिक दलका प्रतिनिधि पनि सहभागी थिए ।
आसन्न चुनावहरुका लागि तयार पारिने घोषणापत्रमा समेत अर्थतन्त्रको दिगो विकासको माध्यम पर्यटन उद्योग रहेकोले विशेष प्राथमिकता सहित उल्लेख गरिदिनका लागि यो कार्यक्रम गरिएको थियो ।
कार्यक्रममा होटल संघ नेपालका अध्यक्ष अमरमान शाक्यले होटल संघ नेपाल स्थापनाको स्वर्ण महोत्सवको अवसरमा पनि नेपालको संघिय संरचनामा पर्यटनको विकास र प्रवर्धन कसरी गर्ने विषयमा बृहत छलफल गरि यस विषयको उठान गरिसकेको स्मरण गराए । साथै नेपालका सात वटै प्रदेशका लागि भावी पर्यटनको दुरदृष्टि र मार्गचित्र कोर्ने जमर्काे गरेको बताए ।
साथै सबै राजनीतिक दलहरुलाई आफ्नो घोषणापत्रमा पर्यटनलाई प्राथमिकताका साथ उल्लेख गर्नका लागि आग्रह उनले गरे ।
उनले सबै प्रदेशहरुले आ आफ्नो विशिष्टता झल्कने पर्यटकीय ब्राण्ड तयार गर्न, प्रदेश र स्थानीय सरकारले पर्यटक र पर्यटन व्यवसायीसंग सन्तुलित ढंगले मात्र शुल्क लगाउन राजनैतीक नेतृत्वलाई आग्रह गरे ।
साथै पर्यटन र होटल उद्योग सेवामुखी भएकाले सन्तुलित श्रम सम्बन्ध निर्माण गर्ने वातावरण तयार गर्न र दु्रतरुपमा आर्थिक विकास भएका छिमेकी मुलुकहरु चीन र भारतबाट बढी भन्दा बढी पर्यटकहरु भित्र्याउनका लागि सरकारी स्तरमा पहल गर्न समेत अनुरोध गरे ।
कार्यक्रममा माओबादी केन्द्रका सचिवालय सदस्य लिलामणी पोख्रेलले पर्यटन व्वसाय साँच्चै नै दिगो आर्थिक विकासको आधार हुन सक्ने बताए । होटल तथा पर्यटन व्यवसायीहरुको चासोमा आफ्नो पार्टिको ऐक्यबद्धता जनाए ।
पूर्व परराष्ट्र र उर्जा मन्त्रि तथा नेपाली काँग्रेसका नेता प्रकाश शरण महतले पर्यटन विकासको विषय नेपाली काँग्रेसको घोषणापत्रमा समावेश गर्ने प्रतिबद्धता जाहेर गरे ।
कार्यक्रममा एमाले पर्यटन विभागका प्रमुख सुर्य थापाले पार्टीले तयार गर्ने चुनावको घोषणापत्रमा पर्यटन विकासको विषय प्राथमिकताका साथ निश्चित लक्ष्य तोकेरै राखिने बताए ।
