काठमाडौं । यसअघि होटल अन्नपूर्ण रहेको स्थानमा नयाँ होटल अन्नपूर्ण स्क्वायर बन्ने भएको छ । भाटभटेनी सुपरमार्केट समुह, लिटिल एन्जल्स र अन्नपूर्ण समुहले संयुक्त रुपमा उक्त स्थानमा नयाँ होटल स्थापना गर्न लागेका हुन् ।
सोमबार एक कार्यक्रमको आयोजना गर्दै होटलको सिलान्यास गरिएको थियो । भाटभटेनी सुपर मार्केटका अध्यक्ष मीनबहादुर गुरुङले भूमि पूजा गर्दै होटल निर्माण सुरुवात गरेका छन् ।
२०८५ वैशाख १ गतेदेखि संचालनमा ल्याउने योजना रहेको उक्त होटलको डिजाइनको काम भारतीय आर्किटेक्चर कम्पनीले गरिरहेको बताईएको छ । २५ तलाको हुने उक्त होटलमा ४० कोठा अपार्टमेन्ट हुनेछ ।
भाटभटेनीको एउटा स्टोर पनि सोही स्क्वायरमा सञ्चालन गरिने बताईएको छ । कम्तीमा ६ अर्ब रूपियाँ लाग्ने अनुमान गरिएको उक्त होलटमा क्यासिनो पनि सञ्चालन गरिने बताईएको छ ।
