काठमाडौं । हवाई यात्राका लागि यात्रुहरुले मूल्यमात्र हेरेर टिकट खरीद नगर्ने एक अध्ययनले देखाएको छ । ट्राभल टेक्नोलोजी विज्ञहरू आइबीएस सफ्टवेयर र एभिएसन बिजनेस न्यूजद्वारा गरिएको एक अध्ययनले उड्डयन उद्योगमा काम गर्ने ६२ प्रतिशत कर्मचारीहरू ग्राहकहरूले अब मूल्यमात्र हेरेर टिकट किन्दैनन् भन्नेमा सहमत रहेको उल्लेख गरेको छ । यात्रुहरूले समग्र उड्डयन कम्पनीको प्रतिष्ठा, कार्यसम्पादन, अवरोधको ह्यान्डलिङ इत्यादिको आधारमा एयरलाइन् िछनौट गर्छन् । त्यसैले कम्पनीको प्रतिष्ठा उड्डयन कम्पनी लागि धेरै महत्वपूर्ण भएको छ ।

यात्रुको आक्रोशको सिकार कर्मचारी

कहिलकाहीे हवाई यात्रामा ढिलाइ हुन्छ र कहिले उडान रद्द हुन सक्छ । यदि तपाईं वा तपाईंको साथी या परिवारका सदस्यले कहिल्यै विमानमा यात्रा गर्नुभएको छ भने तपाईंले यो राम्रोसँग बुझ्न सक्नुहुन्छ । यस्तो अवस्थामा यात्रुको आक्रोशको सिकार को हुन्छ, थाहा छ ? अध्ययन प्रतिवेदनअनुसार यस्तो अवस्थामा सम्बन्धित उड्डयन कम्पनीका विमानस्थल कर्मचारीले यात्रुको आक्रोश बेहोर्नुपर्छ ।

कहिलेकाही यात्रुहरु उनीहरुसाग चिच्याउने गर्छन् त कहिले उनीहरुलाई धकेल्ने वा शारिरीक चोट पुर्याउने घटनाहरु पनि भएका छन् । अध्ययन रिपोर्टअनुसार ७२% एयरलाइन्स वा एयरपोर्ट स्टाफहरू ग्राहकको यात्रा अवरोधको समयमा डराउँछन् । यात्रुहरू उनीहरूमाथि चिच्याउँछन् र केही आक्रामक यात्रुहरूले दुव्र्यवहारको सहारा पनि लिन्छन् । कहिलेकाहीँ झडपमा शारीरिक चोटसमेत लागेको अध्ययनमा भेटिएको छ ।

घटना दिनानुदिन बढ्दै

यस अध्ययनमा एउटा अचम्मको कुरा पनि बाहिर आएको छ । ७१% हवाई यात्राका कर्मचारीले यात्रा अवरोधका कारण ग्राहकले कर्मचारीलाई दुव्र्यवहार गर्ने घटना बढ्दै गएको बताएका छन् । यो संख्या ग्राहकको क्रोधसँग नजिकको छ, किनकि ७३% उड्डयन कर्मचारीहरूले यात्रा अवरोधका कारण ग्राहकहरूलाई ‘रिसाएको वा निराश’ भएको पाउँछन् ।

काम र जीवन सन्तुलन बिग्रन्छ

हवाई यात्रा क्षेत्रका ५५ प्रतिशत कामदारले उडान अवरुद्ध हुँदाका कारण आफ्नो मानसिक स्वास्थ्यमा नकारात्मक असर परेको बताएका थिए । यसबाहेक ४७% ले उडान अवरुद्धले उनीहरूको काम रजीवन सन्तुलनलाई असर गरेको बताएका थिए । किनकि जब तिनीहरू कामबाट घर आउँछन् तिनीहरू प्रायः दिनको समयमा सामना गर्ने समस्याहरूको बारेमा सोच्छन् ।

वायुसेवा उद्योगको व्यवस्थापन राम्रो

हवाईअड्डाका कर्मचारीहरू व्यापक ग्राहक निराशाको शिकार हुन सक्छन्, तर ६५% एयरलाइन्स वा एयरपोर्ट कर्मचारीहरूले एयरलाइन उद्योगले अवरोधलाई राम्रोसँग ह्यान्डल गरिरहेको ठान्छन् । तर, जब यस्तो घटना घट्छ, उनीहरूले सही जानकारीको पहुँच, सञ्चालनमा अवरोधको असर र ग्राहकलाई सूचनाको समयमै वितरणलाई सबैभन्दा ठूलो चुनौती मान्छन् । यी चुनौतीहरूलाई बेवास्ता गर्दा एयरलाइन्सहरूलाई दिगो असर पर्न सक्ने पनि उनीहरुको धारणा थियो ।

स्रोतको कमीसँग संघर्ष

८२% उड्डयन कर्मचारीहरूका अनुसार अवरोधलाई प्रभावकारी रूपमा व्यवस्थापन गर्न उनीहरु स्रोतको कमीसँग संघर्ष गरिरहेका छन् । यस अध्ययनमा समावेश उत्तरदाताहरूले यदि टेक्नोलोजीले कुनै पनि अवरोध व्यवस्थापन गर्ने उनीहरूको क्षमतालाई समर्थन गर्दछ भने, तिनीहरू अझ राम्रो काम गर्न सक्षम हुनेछन् भन्ने दाबी गरेका थिए ।

अध्ययन कसरी गरियो?

यो अध्ययन एभिएसन बिजनेस न्यूज र स्वतन्त्र अनुसन्धान फर्म एज इनसाइटसँगको सहकार्यमा जुन १८ देखि जुलाई ८ २०२४ सम्म तीन हप्तामा गरिएको थियो । ९५% भन्दा बढी उत्तरदाताहरू उड्डयन क्षेत्रमा विभिन्न भूमिकाहरूमा र मुख्यतया वरिष्ठ र मध्य–स्तरको पदहरूमा काम गरिरहेका थिए ।

सबै उत्तरदाताहरूमध्ये ४४ प्रतिशत ग्राहकको सामना गर्ने भूमिकाहरूमा काम गरेका थिए । उत्तरदाताहरूको सबैभन्दा ठूलो संख्या युरोपेली एयरपोर्टहरू (३८%) थियो भने यो पछि उत्तर अमेरिका (२४%), एशिया प्यासिफिक (१६%) र पश्चिम एशिया वा मध्य पूर्व (९%) थियो । अनुवाद गरिएको