काठमाडौं । नेपाल वायुसेवा निगमले दशैंलाई लक्षित गर्दै बुधवार देखि सिमरा, भैरहवा र पोखरामा उडान भर्ने भएको छ । दशैंमा यात्रुको चाप बढी हुने भन्दै उडान भर्ने निर्णय भएको निगमका प्रवक्ता रामहरि शर्माले बताए ।
उनका अनुसार सिमरा, भैरहवा र पोखरामा बुधबारदेखि दैनिक एक उडान भर्ने भएको हो । पोखराको फ्लाइट बिहान ६ः३० बजे हुने बताइएको छ । त्यसैगरी, सिमराको बिहान ८ः३० बजे र भैरहवाको फ्लाइट बिहान १०ः३० बजे हुनेछ ।
निगमले पोखराको २५ सय ५०, सिमराको २२ सय २५ र भैरहवाको ३ हजार २५ रुपैयाँ भाडा तोकेको शर्माले जानकारी दिए । निगमले ४ वटा जहाजमार्फत आन्तरिक उडान र ३ वटा जहाजमार्फत अन्तराष्ट्रिय उडान भर्दै आएको छ ।
