काठमाडौं । सिटी होटल लिमिटेडको संचालकमा तिलक कोइराला निर्वाचित भएका छन् । कम्पनीको आज भएको आठौं साधारणभाबाट सर्वसाधारण सेयरधनीको तर्फबाट पूँजी बजार अभियन्ता कोइराला संचालकमा निर्वाचित भएका हुन् ।
आज भएको निर्वाचनमा निर्वाचित कोइरालाले दुई लाख ५० हजार भन्दा बढी मतभार पाउँदा उनका प्रतिद्वन्दीले ४५० मत मात्र पाएका थिए ।
गत बर्ष सर्वसाधारणमा सेयर जारी गरेको होटलले पहिलोपल्ट सर्वसाधारण सेयरधनीको तर्फबाट संचालकको निर्वाचन गरेको हो । साधारण सभाले अन्य प्रस्तावका साथै कम्पनीको अधिकृत पूँजी २ अर्बबाट बढाएर ५ अर्ब बनाउने प्रस्ताव पनि पारित गरेको छ ।
गोल्यान समुहको लगानीमा काठमाडौमा संचालनमा ल्याएको होटललाई हायात समुहले हायात प्यालेस ब्राण्डमा ब्वस्थापन सम्हालेको छ । होटल संचालक समितिका अध्यक्ष शक्तिकुमार गोल्यान छन् ।
