काठमाडौं । विगत १६ महिनायता विश्वमा कसैलाई पनि बिदेश जान पहिलेजस्तो सजिलो छैन् । गत वर्ष डिसेम्बरमा चीनमा पहिलोपटक कोरोना भाइरस (कोभिड–१९) संक्रमण फेला परेसँगै र संक्रमण रोकथाम तथा नियन्त्रणका लागि भन्दै विश्वभर यात्रा प्रतिबन्धहरु शुरु भएसँगै विश्वको पर्यटन बजार ठप्प छ ।
यसले एक देशबाट अर्को देश पुगेर घुमफिर गर्ने पर्यटकहरु अहिले आफ्नै देश वा क्षेत्रमा खुम्चिन विवश छन् । यसै सन्दर्भमा शेन्जेनभिसाइन्फोले गरेको नयाँ अध्ययनले ९५ प्रतिशत पर्यटकहरु प्रतिबन्ध हटाइने बित्तिकै विदेश यात्रा गर्ने चाहनामा रहेको तथ्य उजागर गरेको छ ।
अध्ययनमा संलग्न अधिकांश यात्रीहरू अर्थात ९५ प्रतिशतले प्रतिबन्ध हटने बित्तिकै यात्रा गर्ने विचार गरेको बताएका छन् भने ८७ प्रतिशतले आफुहरु देश बाहिर यात्राका लागि आतुर रहेको बताएका छन् ।
सहभागीहरूमध्ये तीन–चौथाईले पहिलो पटक सीमा खुला भएको अवस्थामा पहिले परिवारका सदस्यहरू र साथीहरूलाई भेट्न जाने चाहना व्यक्त गरे ।
जसमा ५४ प्रतिशतले त कोभिड भाइरसको फैलावट र यसको उत्परिवर्तनको बाबजुद अहिले विदेश जान धेरै जोखिमपूर्ण नरहेको विश्वास गर्छन् । यस्तै एक तिहाई भन्दा कमले उनीहरू यस वर्ष आफ्नो देश बाहिर यात्रा गर्न सक्षम हुने बताएका छन् ।
अध्ययनमा संलग्न मध्ये ७१ प्रतिशतले यात्रा प्रतिबन्धका कारण दम्पतीहरूले सबैभन्दा बढी दुः ख भोग्नु परेको बताए । कोभिड–१९ को प्रसार रोक्नको यात्रा गर्दा यात्रुहरूलाई परीक्षण गर्न बाध्य पार्नु सबैभन्दा प्रभावकारी हुने सर्वेक्षणमा सहभागी ६ं२ प्रतिशतको मत छ ।
जसमा आधा भन्दा बढीले यात्राको लागि कोभिड खोप अनिवार्य हुनु पर्छ भन्ने मत दिए । यस्तै उत्तरदाताहरूमध्ये ८१ प्रतिशत खोप प्रमाणपत्रहरूसँग परिचित रहेको बताए भने बाँकीले यसबारेमा कहिल्यै नसुनेका उल्लेख गरेका छन् । ट्राभलडेलीबाट अनुवाद
