मोबाइल सेवा प्रदायक कम्पनी एनसेलको विक्रीमा नेपालमा लाभकर लाग्ने/नलाग्ने विषयको टुंगो नालग्दै माउ कम्पनीले टेलियासोनेराको विक्री प्रक्रिया सम्पन्न भएको घोषणा गरेको छ । स्वीडिस कम्पनी टेलियासोनेराले सोमवार विज्ञप्ती जारी गर्दै  एनसेल विक्रीको प्रक्रिया सम्पन्न भएको घोषणा गरेको हो ।
कम्पनीले गत १२ डिसेम्बर (६ पुस)मा मलेशियाको व्यवसायिक समूह एक्सियटा ग्रूप बरहाद (एक्सियटा)सँग भएको सम्झौताअनुसार एनसेलको विक्री प्रक्रिया सम्पन्न गरकोे टेलयासोनेराका अध्यक्ष तथा प्रमुख कार्यकारी अधिकृत जोहन डेन्नेलिण्डले जनाएका छन् । उनले कम्पनीले सेप्टेम्बरमा गरेको घोषणअनुसार एनसेलबाट लगानी फिर्ता लैजाने सवै प्रक्रिाय सम्पन्न गरेको बताए । ‘गत डिसेम्बरमा मलेसियाको कम्पनी एक्सियटासँग भएको सम्झौताअुनसार एनसेल विक्रीको प्रक्रिया सम्पन्न भएको घोषणा गर्न पाउँदा म धेरै खुसी भएको छु’ उनले भनेका छन्, ‘एनसेल र यसका कर्मचारीका लागि एक्सियटा उपयुक्त लगानीकर्ता हुने छ ।’
टेलियासोनेराको व्यवस्थापन तथा सञ्चालक समितिले करीब ९ महिनाअघि युरोएसिया क्षेत्रको लगानी फिर्ता लैजाने निर्णय गरेका थियो । सोहिअनुसार नेपालमा सञ्चालित मोबाइल सेवा प्रदायक कम्पनी एनसेलको स्वामित्व एक्सियटालाई विक्री गरेको हो । टेलियासोनेराले एसेललाई होल्ड गर्ने रोनोल्ड्स होल्डिङ्सको ६० दशमलव ४ प्रतिशत शेयर स्वामित्व १ अर्ब ३ करोड अमेरिकी डलरमा विक्री गरेको उल्लेख गरेको छ । त्यस्तै, टेलियासोनेराको स्थानीय साझेदार नेपाली लगानीकर्ता निरज गोविन्द श्रेष्ठको २० प्रतिशत शेयर स्वामित्व ४८ मिलियन अमेरिकी डलर (५ अर्ब ११ करोड रुपैयाँ)मा  नेपाली लगानीकर्ता भावना सिंह श्रेष्ठको सिंगापुपस्थित सोनिभेरा क्यापिटलमा गएको छ ।
टेलयासोनरा र एक्सिजायटाबीच डिसेम्बरमा भएको सम्झौतामा नेपालको उद्योग विभाग, नेपाल दूरसंचार प्राधिकरण, मलेसियन केन्द्रिय बैंक तथा एक्सिएटाका शेयरहोल्डरहरुको स्वीकृतिको अधीनमा रहने उल्लेख गरिएको थियो । तर, नेपालमा भने टेलियासोनेराले एनसेल विक्रीवापत पाउने लाभमा नेपालाई कर तिर्नपर्ने नपर्ने विषयमा अझै बहस जारी छ ।