काठमाडौं । एनसेलले कोरोनाभाइरस रोग सम्बन्धी परामर्श थालेको छ । कम्पनीले कोरोनाभाइरस सम्बन्धी कुनै पनि जिज्ञासा भए चौबीसै घण्टा एनसेल कोभिड–१९ हटलाइन (९८०५५५४५००)मा स्वास्थ्य परामर्शका लागि सम्पर्क गर्न सकिने जनाएको हो ।
उक्त हटलाइन मार्फत चौबीसै घण्टा चिकित्सक तथा स्वास्थ्यकर्मीसँग निःशुल्क परामर्श लिन सकिने कम्पनीले जनाएको छ । धुलिखेल अस्पतालसँगको सहकार्यमा संचालित यस हटलाइन सेवाले देशभरी घरमै आइसोलेशनमा बसेका बिरामीलाई पनि दैनिक निःशुल्क स्वास्थ्य परामर्श प्रदान गर्नेछ ।
