मोवाइल सेवा प्रदायक कम्पनी एनसेलले रमाईलो एसएमएस नामक रोचक योजना ल्याएको छ । जसमा सहभागी भएर एनसेलका प्रिपेड ग्राहकले अब कुनै पनि एनसेलका नम्बरमा मात्र १० पैसाको दरमा जति पनि एसएमएस पठाउन सक्नेछन् ।
रमाईलो एसएमएस बिहीवारदेखी लागु हुने कम्पनीले जानकारी दिएको छ । जसअन्तर्गत एनसेलका प्रत्येक प्रिपेड ग्राहकले कर वाहेक रु २ सेवा शुल्कमा दैनिक यो योजनामा सहभागी भई मात्र रु १० पैसा प्रति एसएमएसको दरमा एनसेलको कुनै पनि नम्बरमा जति पनि एसएमएस पठाउन सक्नेछन् ।
एनसेलका प्रिपेड ग्राहकले आफ्नो मेसेज बक्समा गई डि आई टाइप गरी १७११९ मा एसएमएस पठाएर सो प्याकमा सहभागी हुन सक्नेछन् ।
यो योजनामा ग्राहकहरुले चाहेमा स्वतः नविकरण हुने गरी पनि सहभागी हुन सक्छन् । यसका लागी आफ्नो मेसेज बक्समा गई डी टाइप गरी १७११९ मा एसएमएस पठाउनुपर्ने छ ।
यसरी एक्टिभेट गरिएको दैनिक प्याकको अवधि मध्यरातसम्म मान्य हुने एनसेलका कर्पोरेट संवाद विज्ञ मिलन शर्माले बताए ।
