बिजखबर संबाददाता
८ असोज,काठमाडौं । कतारबाट नेपालमा अव प्रति मिनेट ५ रुपैयाँ ७५ पैसामा फोन गर्न पाइने भएको छ । कतारको ओरेडु कम्पनीको प्रिपेड मोवाइलबाट नेपाल टेलिकमका सबै किसिमका नम्बरमा सस्तो दरमा फोन गर्न पाइने भएको हो ।
यो योजना शुक्रबारदेखि कात्तिक ७ गतेसम्मका लागु हुने टेलिकमले जानकारी दिएको छ ।
योजना दशैंलाई लक्षित गरी सञ्चालनमा ल्याइएको टेलिकमकी प्रवक्त प्रतिभा वैद्यले जानकारी दिइन् । यो छुट अफरबाट कतारमा कार्यरत करिब ७ लाख नेपाली लाभान्वित हुने उनको विश्वास छ ।
कतार नेपाल सामान्य दर भने प्रतिमिनेट १३ रुपैयाँ पर्छ । नेपालबाट कतारमा कल गर्दा भने हाल प्रतिमिनेट १२ रुपैयाँ महसुल लाग्छ ।
