बिजखबर संवाददाता
२९ फागुन, काठमाडौं । केन्द्रीय अनुसन्धान ब्यूरोले हालसम्म अवैध भिओआइपीमा संलग्न १ सय ३२ जना विरुद्ध कारवाही गरेको छ । ब्यूरोले स्वदेशी र विदेशी नागरिकलाई पक्राउ गरी कारवाही गरेको हो ।
व्यूरोले विभिन्न ७८ स्थानमा छापा पारेको थियो । जसमा १ सय १ जना नेपाली रहेका थिए भने ३१ जना विदेशी नागरिक रहेका छन् ।
पक्राउमा परेको व्यक्ति विरुद्ध ब्यूरोले १० अर्व ८६ करोड विगो दावी सहित अदालतमा मुद्दा दायर गरेको छ ।
अवैध भिओआइपी विरुद्ध विभिन्न दुर संचार कम्पनीहरुका २० हजार ९ सय ४१ थान सिमकार्ड बरामद गरेको छ । यस्तै त्यसमा प्रयोग हुने उपकरणहरु समेत बरामद गरेको छ ।
