काठमाडौं । नेपाल टेलिकमले आफ्ना ग्राहकहरुका लागि ‘मेगा अफर’ संचालनमा ल्याएको छ ।
टेलिकमले आफ्ना ग्राहकहरुका लागि डेटामा मेगा अफर ल्याएको हो । सो योजनाको फोरजी प्याक अन्तरगत २ सय एमबीदेखि ३ हजार ६ सय एमबीसम्मको डेटा प्याक लिन सकिने छ । कम्पनीले न्युनतम ५० रुपैयाँमा २ सय एमबी डेटा दिएको छ भने २ सय रुपैयाँमै २ जिबी डेटा उपलब्ध गराएको छ ।
यसैगरी फेसबुक र इस्टाग्राम प्याक भने २५ रुपैयाँदेखि २ सय रुपैयाँसम्मको अफर ल्याएको छ । जसमा न्युनतम २ सय एमबीदेखि अधिकतम १ हजार १ सय एमबीसम्मको डेटा चलाउन सकिने छ ।
टेलिकमले ल्याएको नाइट भ्वाइस प्याक अन्तरगत भने २५ रुपैयाँमा २ सय ५० मिनेट कुरा गर्न सकिने छ । भ्वाइस प्याक भने बेलुका १० बजेदेखि बिहान ६ बजेसम्म लागु हुने छ ।
