काठमाडौं मोवाइल सेवा प्रदायक कम्पनीले एनसलेलले २०७३ सालको माध्यामिक शिक्षा परीक्षा (एसईई) मा दिएका परीक्षार्थी लक्षित गर्दै ‘पहिलो सिम’ विषेश अफर योजना ल्याएको छ । यस योजना अन्तर्गत परीक्षार्थीले १ रुपैयाँमै एनसेलको प्रिपेड सिम खरिद गर्न सक्नेछन् । त्यसरी लिएको सिममार्फत ३० दिन सम्म ५ वटा आफ्नो माइफाइभ नम्बरमा अनलिमिटेड कल सेवा लिन सक्नेछन् ।
आजदेखि लागू हुने यस योजनामा एसईई दिएका परीक्षार्थीले आफ्नो प्रवेश पत्र र आमा वा बाबुको नागरिकताको फोटो कपि बुझाई एनसेल सेन्टरबाट सिम लिन सक्नेछन् ।यो योजना शुरु भएको मितिबाट ९० दिनसम्म लागू हुनेछ ।
यो योजनाअन्र्तगत परीक्षार्थीले सिम खरीद गरी ५० रुपैयाँ वा सोभन्दा बढीको रिचार्ज गरे पछि ै अतिरिक्त शुल्क विना माइफाइभ समुहको ५ वटा नम्बरमा ३० दिन सम्म अनलिमिटेड कल सेवाको लाभलिन सक्नेछन् । माइफाइभ समुहमा ग्राहकले अधिकतम ५ वटा एनसेल नम्बर समाबेश गर्न सक्छन् ।
ग्राहकले एस्ट्रिक्स ५५४४ ह्यास डायल गरी प्राप्त निर्देशन अनुसार आफुले कुरा गर्न चाहेको एनसेल नम्बरलाई माइफाइभमा समुहमा राख्न सक्नेछन् । माइफाइभ सेवाको समुहमा ५ वटा नम्बर राखि सकेपछि त्यसमा रहेका कुनै नम्बर हटाई अर्को नम्बर समावेश गर्नुपर्ने भएमा प्रत्येक परिवर्तनको कर बाहेक ५ रुपैयाँ शुल्क लाग्नेछ ।
एसईई योजनाले परीक्षार्थीहरुको सञ्चार सेवाको आवश्यकतालाई संवोधन गर्ने छ एनसेलका कर्पोरेट संवाद विज्ञ मिलन शर्माले बताए ।
