काठमाडौं । हारती कम्प्युटर सर्भिस प्रालिले ग्लोवल इभेन्ट फर डिजिटल विजनेश (सिइविआइटी) नामक प्रविधि मेलामा भाग लिने भएको छ । जर्मनीको ह्यानोभर शहरमा हुने मेला मार्च २० देखि २४ सम्म चल्नेछ । यो सूचना तथा प्रविधि सम्वन्धि हुने मेलाहरुमा पहिलो श्रेणीमा आउने मेला हो ।
मेलामा यस सम्वन्धि काम गर्ने विश्व विख्यात कम्पनीहरु आफ्ना नयाँ बस्तु, सेवा तथा प्रविधिहरु प्रदर्शनी गर्ने गर्दछन । माक्रोसफ्ट, गुगल, सेल्सफोर्स र एसएपी जस्ता विश्वविख्यात कम्पनीहरु आफ्ना उत्पादनहरुको प्रदर्शनी तथा प्रबद्र्धनको लागि मेलामा भाग लिने गर्छन । मेलामा यस सम्वन्धि विशेषज्ञहरुबाट गोष्ठी तथा सेमिनारहरु पनि हुने कम्पनीले जानकारी दिएको छ । नेपालबाट हारती नै पहिलो पटक यस मेलामा भाग लिन गईरहेको छ ।
हारतीका आफ्ना सेवा तथा विकास भएका सफ्वेयरहरुलाई उक्त मेलामा प्रदर्शन गर्ने जानकारी दिएको छ । ‘योर न्यू आइटी आउटसोर्सिङ डेस्टिनेशन इज नेपाल’ नारासहित
मेलामा भाग लिन लागेको हो । जसअनुसार हाल सम्म सूचना प्रविधि सम्वन्धी वस्तु तथा सेवाहरुको लागि छिमेकी देश भारत, चीन र फिलिपिन्सको भर पर्नुपर्ने बाध्यता जुन थियो र छ पनि अब हामी नेपाल यसमा सशक्त रुपमा आउदैछ भन्ने सन्देश दिने छ ।
त्यस्तै आइटीका लागि नेपालमा नै किन भन्ने प्रश्नको रुपमा यहाँ यथेष्ट आइटी एक्स्पर्टहरु रहेको, कम खर्चिलो हुने र नेपालीहरु मिहेनती र इमानदार भई काम गर्ने जस्ता कुराको चित्रण गर्न खोजिने छ । विशेष गरी सफ्टवेयर विकास, विपिओ र डिजिटल प्रविधिहरुमा काम गर्न र उद्योग खोल्न अरु कम्पनीहरुसंग टाईअप गर्न अथवा नेपालमा आई उद्योग खोल्न अभिप्रेरित गरिने कमपनीले जानकारी दिएको छ ।
मेलामा यस कम्पनीले आफ्ना सेवा सुविधा लगायत नेपालको पर्याटन क्षेत्रलाई पनि केही टेवा पुग्ने हिसावले आफ्नो स्टललाई पूर्णरुपमा नेपालीपन झल्कीने गरी सजाईने र भिजिटरहरुलाई नेपालको बारेमा जानकारी गराईने छ ।
