काठमाडौं । नेपाल टेलिकमको २० हजार थान रिचार्ज कार्ड भन्सारबाट हराएको छ । भन्सारबाट आयातका क्रममा ट्रकबाटै रिचार्ज कार्ड हराएको टेलिकमकी प्रवक्ता प्रतिभा बैद्यले जानकारी दिइन् ।
टेलिकमले एक सूचना जारी गर्दै १ सय र २ सय रुपैयाँका एनटी रिचार्ज कार्ड हराएको सूचना दिएको हो । वैद्यका अनुसार सिरियल नम्बर १११६१०००८१६००००१ देखि १११६१०००८१६२०००० सम्मको रिचार्ज कार्ड हराएको हो । टेलिकमले यी सिरियल नम्बरका कार्ड खरिद विक्री नगर्न समेत आग्रह गरेको छ ।
ती कार्ड टेलिकमले डिएक्टिभ गरिसकेको छ । ‘हराएका कार्ड हामीले डिएक्टिभ गसिकेका छौं,’उनले भनिन् ‘ग्राहकको हातमा परेर रिचार्ज गर्दा नहुने भएकोले सूचना जारी गरेका हौं ।’
