नेपाल टेलिकमले वाइम्याक्स ‘ब्रोडब्याण्ड इन्टरनेट’ सेवाको पहुँच ७५ वटै जिल्लामा विस्तार गरेको छ । उच्च गतिको इन्टरनेट सेवा विस्तार गर्ने क्रममा ७५ जिल्लामा वाइम्याक्स विस्तर गरेको हो । कम्पनीले यसअघिसम्म ७४ वटा जिल्लामा वाइम्यक्स सेवाको पहुँच विस्तार गरिसकेको थियो ।
कात्तिक ७ गतेदेखि हुम्लामा पनि यो सेवा विस्तार गर्दै टेलिकमले सेवाके विस्तार ७५ वटै जिल्लामा सुरु भएको बताइएको छ । नेपाल टेलिकमले २०६९ चैत्र १४ गते देखि आम उपभोक्तालाई यो सेवा उपलब्ध गराउन थालेको हो ।
कम्पनीले प्रारम्भमै वाईम्याक्स सेवा कर्णाली अञ्चलवाहेक मुलुकका १३ अञ्चलका ४९ जिल्लामा सञ्चालनमा ल्याएको थियो । त्यसपछि क्रमशः बाँकी अन्य दुर्गम तथा अति विकट जिल्लाहरुमा विस्तार गर्दै आएको हो । वाइम्याक्स सेवा लिन चाहनेको लागि १ महिनाका लागि ५ जीवी लिँदा ६ सय ५०, ३ महिना १५जिवी १ हजार ६ सय, ६ महिना ३० जिवीको भेलयुममा ३ हजार ३ सय, १२ महिना ६०जिवी ५ हजार ३ सय पर्ने छ । त्यस्तै १२० जिवीके १२ महिनाका लागि ८ हजार, १२ महिना २०२ १२ हजार ७ सय ५० र १२ महिना ३ सय ३६ २० हजार ४ सय पर्ने बताइएको छ ।
हाल टेलिकमले उपलब्ध गराइरहेको वाइम्याक्स प्रविधिको डाटा वेस सेवाहरु मध्ये सबैभन्दा आधुनिक फोरजी प्रविधिको इन्टरनेट सेवा रहेको दाबी गरेको छ ।यो प्रविधिमार्फत इन्टरनेट चलाउनका लागि सीपीइ खरिद गर्नुपर्छ ।
