काठमाडौं । मोबाईल सेवाप्रदायक कम्पनी एनसेल प्राईभेट लिमिटेड एनसेल दोस्रो वर्ष पनि फ्रोस्ट एण्ड सलिभन नेपाल मोबाईल सेवा प्रदायक २०१६ अवार्डबाट सम्मानित भएको छ । सो पुरस्कार एनसेललाई अन्तरराष्ट्रिय विकास साझेदारी कम्पनी फ्रोस्ट एण्ड सलिभनले प्रदान गरेको हो ।
यो पुरस्कार फ्रोस्ट एण्ड सलिभनले प्रदान गर्ने एशिया प्रशान्त सर्वश्रेष्ठ अभ्यास पुरस्कार उप–समुहअन्र्तगत पर्दछ । यसले एशिया प्रशान्तको अटोमोटिभ, उर्जा, भवन निर्माण तथा पर्यावरण, स्वास्थ्य सेवा र सूचनातथा संचार प्रविधिलगायतका क्षेत्रहरुमा हजारौ कम्पनीहरु मध्य सबैभन्दा राम्रो अभ्यास गर्दै आएको लाई यो सम्मान प्रदान गर्दछ ।
ग्राहक संख्या, मोबाईल सेवाको आम्दानी, प्रतिग्राहकमिश्रित औषत आय, प्रतिग्राहकआयको वृद्घि, सेवालगायत बजारमा कम्पनीहरुको वास्तविक विविध सुचकहरुको आधारमा कडा मापढण्ड भित्र रहेर पुरस्कार पाउने कम्पनीहरुको मुल्याङ्कन गरिएको थियो ।
एनसेलका प्रबन्ध निर्देशक साइमन पर्किन्स ग्राहकमा ध्यान केन्द्रित गर्दै उनीहरुको विभिन्न संचार सेवाको आवश्यकताहरुलाई परिपुर्ति गर्ने प्रयासले फेरी एक पटक अन्तरराष्ट्रिय रुपमा सम्मान पाएको बताए । ‘फ्रोस्ट एण्ड सलिभनले अवार्ड दिनका लागि कठिन प्रद्घति अपनाउछ र यो सफलता एनसेललको उदाहरणीय समग्र विकास र उत्कृष्ट कार्य पद्धतीको प्रमाण हो’ उनले भने ।
यो देशको सामाजिक आर्थिक संबृद्धिका लागि कडा परिश्रम गर्ने हाम्रा सबै कर्मचारीहरुको मेहेनतको नतिजा भएको उनले बताए । ‘लगातार दोस्रो वर्षको यो सम्मानबाट प्रात्साहित एनसेल, आफ्नो नेटवर्कमा महत्वपुर्ण सुधार ल्याउन र अझ नविन सेवाहरु देशैभर पुर्याउन प्रतिवद्ध छ’ उनले भने ‘हामी नेपाली जनतालाई निरन्तर रुपमाउत्कृष्ट र दिगो सेवाप्रदानगर्न कतिवद्घ छौ ।”
एनसेल प्रालिले नेपालमा सन् २००४ देखि देशको पहिलो निजी मोबाइल सेवाप्रदायकका रूपमा सेवा प्रदान गरिरहेको छ ।
गत चैतमा आजीयाटा ग्रुपबर्हादले रेनल्डस होल्डिको सत् प्रतिशत सेयर खरिदसँगै एनसेल आजीयाटा ग्रुपसँग आबद्ध भएको हो जसको एनसेलमा ८० प्रतिशत सेयर स्वामित्व रहेको छ ।
आजीयाटाको साथमा, एनसेलले आफ्नो उच्चस्तरीय सेवाको संजाल फैलाउदै र अति विकट ठाँउका जनताहरुलाई समेत संचार सेवाको पहुँचभित्रल्याउदै, देशको आर्थिक र पुर्वाधार विकासमा योगदान पु¥याउदै आएको छ । एनसेल नेपालको सबैभन्दा ठूलो करदाता रहेको छ । हालकम्पनीले करिब १ करोड ४० लाखग्राहकलाई सेवा प्रदान गरिरहेको छ ।
एनसेलले देशमा ८५ अर्ब भन्दा बढीको स्थिर सम्पत्ति सृजना गरेको छ । फ्रोस्ट एण्ड सलिभन एशिया प्रशान्त सर्वश्रेष्ठ अभ्यास अवार्ड २०१६ सिङगापुरमा वार्षिक रुपमा आयोजना हुने कार्यक्रम हो जहाँ एशिया प्रशान्तमा रहेका उत्कृष्ट कम्पनीहरुलाई सम्मानित गरिन्छ । यस कार्यक्रमले एशिया प्रशान्तमा पर्ने अटोमोटिभ, एनर्जि, उर्जा, भवननिर्माण तथापर्यावरण, स्वास्थ्य सेवा, सुचनातथा संचार प्रविधितथा लजिस्टिक्स सम्बन्धित क्षेत्रका थुप्रै उत्कृष्ट कम्पनीहरुलाई सम्मानित गरिसकेको छ ।
