काठमाडौं । नेपाल टेलिकमले प्रिपेड ग्राहकका लागि शुभ रात्री प्याकेज योजना ल्याएको छ । टेलिकमको उक्त योजना राती ११ बजेदेखि विहान ५ बजेसम्म प्रयोग गर्न सकिने छ । यो योजना भदौं १८ गतेदेखि कार्यान्वयनमा आउने छ ।
कम्पनीले फेस्टिवल अफर योजना अनुरुप सो डाटा प्याक कार्यान्वयनमा ल्याउन लागेको हो । टेलिकमले १ हप्ता र १५ दिनको गरी दुई ओटा योजना ल्याएको छ ।
जस अन्तरगत प्रिपेड ग्राहकले ४० रुपैयाँमा १ हप्ताको लागि ५ सय एमबी डाटा प्रयोग गर्न सक्नेछन् भने ८५ रुपैयाँमा १५ दिनको लागि १ हजार २ सय एमबी डाटा चलाउन सक्नेछन् । यही भदौं १८ गतेदेखि लागू हुने सो योजना असोज १ गतेसम्म चल्नेछ ।
उपभोक्ताले ५ सय एमबी डाटा खरिदका लागि SPECIAL500MB र १ हजार २ सय एमबीको लागि SPECIAL1200MB लेखेर १४१५ मा एसएमएस पठाउनु पर्छ ।
