काठमाडौं । नेपाल दूरसञ्चार प्राधिकरणका अध्यक्ष पुरुषोत्तम खनालले पेश गरेको राजीनामा स्वीकृत भएको छ । मंगलबार बसेको मन्त्रिपरिषदको बैठकले उनको राजिनामा स्वीकृत गर्ने निर्णय गरेको हो ।
यस्तै प्राधिकरणको उक्त रिक्त अध्यक्ष पदमा नियुक्तिको लागि सिफारिस गर्न मन्त्रालयका सचिवको संयोजकत्वमा समिति गठन गर्ने निर्णय पनि मन्त्रिपरिषदले गरेको छ ।
यसरी यो पदमा नयाँ अध्यक्ष नियुक्त नहुँदासम्मका लागि रिक्त पदमा दूरसञ्चार नियमावलीको नियम ३ ‘क’ बमोजिम प्राधिकरणका सदस्य नवराज अधिकारीलाई अकार्यवाहक अध्यक्षको जिम्मेवारी दिने निर्णय आजको बैठकले गरेको हो ।
