काठमाडौं । सिजीले नेपाली बजारमा ‘इओन ब्लेज गोल्ड’ मोवाइल ल्याएको छ । इओन ब्लेजको सफलतासँगै ब्लेज गोल्ड ल्याएको कम्पनीले जानकारी दिएको छ ।
कम्पनीले ल्याएको सो मोवाइलमा १३ मेगापिक्सेल रेयर र ५ मेगापिक्सेल फ्रण्ट क्यामेरा रहेको छ भने ५ इञ्चको डिस्प्ले छ । थ्री जी नेटवर्क क्षमता रहेको उक्त मोवाइलमा १ दशमलव ३ गिगाहर्ज क्वार्डकोर प्रोसेसर रहेको छ ।
एन्ड्रोइड ६ लेटेस्त भर्सन रहेको सो मोवाइलमा १६ जीवी मेमोरी रहेको छ । मेमोरीलाई ३२ जीवीसम्म पुर्याउन सकिने छ । कम्पनीले उक्त मोवाइलको बजार मूल्य ८ हजार ८ सय ८८ रुपैयाँ तोकेको छ ।
