काठमाडौं । अब वालेटमा प्रतिदिन २० पटकसम्म रकम जम्मा गर्न सकिने भएको छ । नेपाल राष्ट्र बैंकले शुक्रबार एक सूचना जारी गर्दै अब वालेटहरुमा दिनमा २० पटकसम्म कारोबार गर्न सकिने व्यवस्था गरेको हो यसअघि यस्तो वालेटहरुमा प्रतिदिन १० पटकसम्म मात्रै रकम जम्मा गर्न सकिने व्यवस्था थियो ।
यसरी प्रतिदिन २० पटकसम्म रकम जम्मा गर्ने व्यवस्था मिलाउन वालेट सेवाप्रदायकलाई राष्ट्र बैंकले निर्देशन दिएको हो । यस्तै यसरी भएको भुक्तानीको संख्या र भुक्तानी रकम पनि राष्ट्र बैंकलाई उपलब्ध गराउन अनुरोध गरिएको छ ।
