काठमाडौंं । इन्टरनेट आजको समयमा धेरै महत्वपूर्णछ । यसको मद्दतले, हामी ती सबै कार्यहरू गर्न सक्छौं, जुन कुनै समय सोच्न पनि गाह्रो थियो । अहिले धेरै देशमा फाइभजी इन्टरनेट सर्वसाधारणको प्रयोगका लागि उपलब्ध हुन थालेको छ । यहाँ हामी विभिन्न देशहरूमा इन्टरनेटको मूल्यबारे (फेब्रुअरीसम्मको तथ्यांकअनुसार) चर्चा गरेका छौं ।
युरोपको टेलिकम कम्पनी मेलिताले गरेको सर्वेक्षण अनुसार इजरायलले विश्वको सबैभन्दा सस्तो मोबाइल ब्रोडब्यान्ड प्लान प्रदान गरेको छ । अनुसन्धानका अनुसार इजरायलमा प्रति १ जीबी डाटाको मोबाइल डाटाको औसत लागत ३ रुपैयाँ ७ पैसा थियो । इजरायलमा औसत मोबाइल ब्रोडब्यान्ड गति ३५.९८ एमबीपीएस थियो ।
सबैभन्दा सस्तोे मोबाइल ब्रोडब्यान्ड उपलब्ध भएका शीर्ष ५ देशहरूमा इजरायल, किर्गिजस्तान, फिजी, इटाली र रुसी संघ पर्छन् । भारतमा इन्टरनेट निकै सस्तो भनिएपनि सबैभन्दा सस्तो मोबाइल डाटा उपलब्ध गराउने ५ देशमा भारत समावेश छैन ।
नेपाल भारतभन्दा पछि
भारतमा इन्टरनेट डाटाको मूल्य निकै सस्तो छ भन्नु गलत हुँदैन् । चीनमा पनि मोबाइल ब्रोडब्यान्डको मूल्यमा भारी गिरावट आएको छ । चीनमा सन् २०१९ मा १ जीबी डाटाको मूल्य लगभग ७४१ रुपैयाँ थियो । त्यस्तै, सन् २०१९ को तुलनामा २०२१ मा औसत मूल्य ३९ रुपैयाँ थियो ।
नेपाल र पाकिस्तान दुबैमा भारतभन्दा महँगो डाटा प्लान रहेको अनुसन्धान प्रतिवेदनमा छ । पाकिस्तानमा प्रति १ जीबी डाटाको औसत मूल्य लगभग ३६ रुपैयाँ छ भने औसत मासिक गति १८.२५ एमबीपीएस छ । मूल्यको कुरा गर्दा, नेपालमा एक जीबी डाटा ४५ रुपैयाँमा इन्टरनेट उपलब्ध छ र औसत स्पिड २०.७८ एमबीपीएस रहेको छ को राम्रो स्पीडका साथ भारतभन्दा अगाडि छ ।
अन्य देशमा कस्तो छ ?
धेरै देशहरूमा मोबाइल डाटा दरहरूको तुलनाले स्पष्ट रूपमा देखाउँछ कि भारत सबैभन्दा कम लागतमा अगाडि छ । भारतीय टेलिकमहरूले ०.०९ डलर अथवा ६.७ भारतीय रुपैयाँमा १ जीबी डाटा प्रदान गर्दछन् ।
विभिन्न देशहरुबीच डाटाको मूल्य तुलना गर्दा सस्तो मूल्य र सबैभन्दा महँगो मूल्य बीचको भिन्नता ३०,००० प्रतिशत रहेको छ । मलावी सबैभन्दा महँगो डाटा प्रदान गर्ने देशको सूचीमा पहिलो नम्बरमा छ । जहाँ डाटाको मूल्य २७.४१ डलर प्रति जीबी छ । त्यसपछि बेनिन (२७.२२), चाड २३.३३), यमन (१५.९८) र बोत्सवाना (१३.८७) डलर प्रतिजीबी डाटाको मूल्यको साथमा विश्वकै महँगो डाटा उपलब्ध गराउने देशमा रहेका छन् । यी देशहरूमा डाटा प्लान भारतको तुलनामा ३० हजार गुणा बढी छ ।
