बिजखबर संवाददाता
१४ मंसिर, काठमाडौं । जियोनीले एम सेरिजको मोबाइल फोन नेपाली बजारमा ल्याएको छ । आफ्नै डिजाइन, उत्पादन र अनुसन्धान तथा विकासद्वारा निर्माण गरिएको उक्त फोन जियोनीले नेपाली बजारमा ल्याएको हो ।
एम थ्री को उत्पादनसँगै जियोनी मोबाइल जगतमै एक कदम अगाडि बढ्न सफल भएको कम्पनीको दावी छ । उक्त फोनमा ५ हजार एमएएच ब्याट्री प्रयोग गरिएको छ । जसल ३३ दशमलव ७ घण्टासम्मको टकटाइम र ३२ दशमलव ८ दिनको स्ट्याण्डबाइ टाइम दिने छ । उक्त मोवाइललाई झण्डै ३३ दिनसम्म चार्ज नगरिकनै प्रयोग गर्न सकिने कम्पनीको दावी छ ।
मोवाइलमा ओ.टि.जी. रिभर्स चार्ज, ओ.टि.जी. डाटा ट्रान्सफर, हटनट, ब्ल्याक स्क्रीन गेस्चरको नियन्त्रण जस्ता नयाँ विशेषता रहेका छन् । १ दशमलव ३ गिगाहर्ज क्वार्ड कोर प्रोसेसर, ५ इन्चको एच.डी. डिस्प्ले, डि.टी.एस. साउण्ड, पछाडि ८ मेगापिक्सेल र अगाडि २ मेगापिक्सेलको क्यामेरा रहेको छ । यसका साथै भि–जेस्चर र स्माइली जस्ता रोचक मोड पनि भएकोले गर्दा ह्याण्डसेटमा नसमातिकन पनि स्न्यापसट लिन सकिनेछ । यसमा गोरमेट मोड पनि राखिएको छ जसले गर्दा खानाको फोटोहरुलाई अझै स्वादिष्ट देखाउन सकिन्छ ।
एम थ्री निकै शक्तिशाली फोन भएको र जसले गर्दा उपभोक्ताहरुले सरल र बलियो ढंगले प्रयोग गर्न सक्ने कम्पनीद्वारा जारी प्रेश विज्ञप्तीमा उल्लेख छ । मोबाइल फोनमा लामोे बिताउने उपभोक्ताहरुका लागि यो फोन निकै लाभदायक रहेको छ । साथै, डिसेम्बर देखि जियोनीका नेपाल स्थित सवै डिलरहरुमा उक्त मोबाइल फोन उपलब्ध हुने कम्पनीले जानकारी दिएको छ ।
