काठमाडौं । नेपाल टेलिकमले जीएसएम पोष्टपेडका ग्राहकका लागि नयाँ सुविधा ल्याएको छ । टेलिकमले जीएसएम पोष्टपेडका ग्राकहले आवश्यक संख्यामा क्लोज युजर ग्रुप निर्माण गरेमा सो ग्रुपमा आवद्धलाई आगामी मंसिर १० गते भ्वाइस कलमा विशेष सुविधा दिन लागेका हो ।
जसअनुसार ५० देखि १ सय जनालाई प्रति मिनेट ५० पैसा , १ सय १ देखि २ सय प्रतिमिनेट ४५ र २ सय १ देखि ५ सय जनाको समुहलाई प्रतिमिनेट ४० पैसा लाग्ने छ ।
सो महसुल दरमा नियमानुसार लाग्ने कर समावेश गरिएको छैन ।
सुविधा लिन चाहने कर्पोरेट समूहले ग्रुपमा राख्न चाहने ग्राहकको नामावली र अन्य कागजातसहित उपत्यकाको लागि मोबाइल सेवा निर्देशनालय पुल्चोक र उपत्यका वाहिरका लागि सम्बन्धित क्षेत्रीय निर्देशनालयमा सम्पर्क गर्नुपर्नेछ ।
जिएसएम पोष्टपेडका ग्राहकले मासिक रुपमा तिर्नु पर्ने न्युनतम महसुल रु. ३ सय भित्र नै यो सुविधा पनि उपभोग गर्न सक्ने बताइएको छ ।
