काठमाडौं । हालै प्रकाशित एक जर्नल सेलका अनुसार वैज्ञानिकहरुले कोरोना भाईरसविरुद्धको शक्तिशाली भ्याक्सिन पत्ता लगाईसकेको दावी गरेको छ । उक्त जर्नलका अनुसार उक्त भ्याक्सिन मुसामा परिक्षण गर्दा भ्याक्सिनको कम डोजले पनि १० गुणा बढी एन्टीबडी न्युट्रलाईज्ड गरेको थियो । साथै भ्याक्सिनले एन्टीबडी न्युट्रलाईज्ड गरेपश्चात शरिरमा प्रतिरोधी क्षमता पनि उत्तिकै मात्रामा विकसित गरेको जर्नलमा उल्लेख छ ।
जनावरमा धेरैभन्दा धेरै सकारात्मक असर पारेको भ्याक्सिनले मानिसमा पनि सोहीअनुसारको प्रभाव पार्ने वैज्ञानिकहरु बताउँछन् ।
अमेरिकामा अवस्थित वासिङ्टन विश्वविद्यालयस्थित स्कुल अफ मेडिसीनका एक अनुसन्धाताका अनुसार नानो पार्टीकल भ्याक्सिनले मुसालगायत जनावरमा मानिसको शरिरमा गरेको प्रभावभन्दा बढी प्रभाव पार्ने गरेको छ ।
मुसामा सबैभन्दा धेरै प्रभाव देखाएको उक्त खोप दिर्घकालिन र दिगो पनि हुने जर्नलमा उल्लेख गरिएको छ । जर्नलमा प्रकाशित लेखका अनुसार उक्त भ्याक्सिनले शरिरमा उत्पादन हुने भाईरसको म्युटेसन अर्थात एकबाट धेरै हुने प्रक्रियालाई रोक्ने कार्य गर्ने गर्दछ । जसका कारण शरिरमा भएका भाईरसहरु एकबाट बढी हुन पाउँदैनन र सोहीअनुसार भाईरस हराउँदै जाने बताईन्छ ।
पत्ता लगाईएको खोपको आणविक संरचना भाईसरको संरचनासँग मिल्दो छ । जसका कारण शरिरमा प्रतिरक्षा प्रणालीको पनि विकास हुने बताईन्छ । ‘हामीले बनाएको नानोपार्टीकल भ्याक्सिनले विश्वभर फैलिएको कोरोना महामारीलाई नियन्त्रण गर्ने प्रयास गर्नेछ,’ जर्नलका सहलेखक निल किङले भने ।
उनका अनुसार विश्वभर तहल्का मच्चाएको कोरोना भाईरसको रोकथाममा उक्त भ्याक्सिनले ठुलो सहयोग गर्नेछ । एनडीटिभीबाट अनुवादित
