काठमाडौं । कोरोना भाईरस (कोभिड–१९)ले हालको समयमा बिज्ञानले पनि उत्तर दिन नसक्ने गरी प्रश्नहरु उब्जाएको छ । तर, एउटा यस्तो प्रश्न हालसम्म पनि उत्तर पत्ता लागेको छैन त्यो हो, किन केहि मानिसहरु बिरामी हुन्छन् र कहिल्यै निको हुँदैनन् ?

यस्तो समस्या जोकोहीलाई हुनसक्छ । सबै लिंग, पेशा, जाती, उमेर समूहका मानिसहरुलाई । यस्ता समूहका मानिसहरु भाईरस संक्रमण निको भईसकेपछि पुनः आफुलाई निर्बल र अल्छी पाउँछन् । जसका कारण उनीहरुमा काम गर्ने क्षमतामा ह्रास आउने गर्दछ ।

हालै गरिएको एक अध्ययनअनुसार कोरोना भाईरसबाट मुक्ति पाएका केही बिरामीहरुमा राति पसिना आउने, शरीर दुख्ने, सोचाईमा समस्यालगायतका १ सय बढी साइड इफेक्ट भेटिए ।

अध्ययनले कोरोना भाईरस संक्रमण केही हप्ताको समस्यापछि ठीक हुने श्वारप्रश्वाससम्बन्धी रोग मात्रै नभएर मुटुसम्बन्धी रोग भएको उल्लेख गरेको छ । जसमार्फत आँखा, छाला मुटु र दिमागमा पनि असर पुर्याई कमजोर तुल्याउँछ ।

अनुसन्धानमा देखिएजस्तै समस्या कोरोना संक्रमित अन्य बिरामीहरुमा पनि यस्तो समस्या देखिएको बताउँछन् । तर केही बिरामीहरुमा भने कैयौं महिना वित्दापनि कोरोना संक्रमणका लक्षणहरु देखिरहने समस्या पनि भएको बताएका छन् । यस्तै कसैलाई भने मुटुको चालमासमेत परिवर्तन आएको बताउने गरेका छन् ।

विभिन्न अनलाईन वेबिनार, फेसबुक ग्रुपलगायतका माध्यमबाट १० हजार बढीमा उक्त अध्ययन गरिएको थियो । जसमा प्राय माlनसहरुले कोरोना भाईरस संक्रमण निको भएपनि पनि उस्तै लक्षण दोहोरिनुका साथै साईड इफेक्टहरु झन बढेको बताएका थिए । याहुहेल्थबाट अनुवाद