काठमाडौं । भारत र न्युजिल्याण्डबीचको आईसीसी च्याम्पियन्स ट्रफी २०२५ को फाइनल खेल आइतबार दुबई अन्तर्राष्ट्रिय रंगशालामा खेलिनेछ । दुई देशबीचको यो उत्कृष्ट खेल नेपाली समयअनुसार दिउँसो २ः४५ बजे सुरु हुनेछ ।

यस उपाधि भिडन्तमा ट्रफी मात्र नभई करोडौं रुपैयाँ बराबरको पुरस्कार रकम पनि दाउमा छ । यसपटक आईसीसी च्याम्पियन्स ट्रफी २०२५ को पुरस्कार राशि ५३ प्रतिशतले बढाइएको छ ।

आईसीसी च्याम्पियन्स ट्रफी २०२५ को विजेता टोलीले २.२४ मिलियन डलर (लगभग ३२ करोड रुपैयाँ) पाउनेछ । उपविजेता टोलीमाथि पनि पैसाको वर्षा हुनेछ । उपविजेता टोलीले १.२४ मिलियन डलर (१६ करोड रुपैयाँ) पाउनेछ । ट्रफी जित्न दुवै टोलीसँग सुनौलो अवसर छ ।

अष्ट्रेलिया र दक्षिण अफ्रिकाले पनि पुरस्कार पाउनेछन्

आईसीसी च्याम्पियन्स ट्रफी २०२५ का सेमिफाइनलमा पराजित अष्ट्रेलिया र दक्षिण अफ्रिकाले पनि बराबर ५ लाख ६० हजार डलर (८ करोड रुपैयाँ) पाउनेछन् । आईसीसी च्याम्पियन्स ट्रफी २०२५ को कुल पुरस्कार राशि ६० लाख ९० हजार डलर (लगभग ९७ करोड रुपैयाँ) छ । यस पटक पुरस्कार राशि २०१७ सिजनको तुलनामा ५३ प्रतिशतले बढेको छ ।

पाँचौं वा छैटौं स्थानमा रहेका टोलीहरूको पनि भाग्य चम्किनेछ

पाँचौं वा छैटौं स्थानमा रहने टोलीलाई पनि करीब ५ करोड रुपैयाँ पुरस्कार दिइनेछ । सातौं र आठौं स्थानमा रहने टोलीले करीब २ करोड रुपैयाँ पाउनेछन् । थपरूपमा, कार्यक्रममा भाग लिएबापत सबै आठ टोलीहरूले प्रत्येकलाई थप १ करोड ७० लाख प्राप्त गर्नेछन् । आईसीसी पुरुष च्याम्पियन्स ट्रफी शीर्ष आठ टोलीहरू बीच प्रत्येक चार वर्षमा खेलिन्छ । साथै, महिला च्याम्पियन्स ट्रफी २०२७ मा पहिलो पटक टी–२० ढाँचामा खेलाइनेछ ।

च्याम्पियन्स ट्रफी २०२५ मा कुन टोलीले कति पैसा पाउनेछन ?

च्याम्पियन्स ट्रफी २०२५ को विजेता टोली –२.२४ मिलियन डलर

च्याम्पियन्स ट्रफी २०२५ को उपविजेता टोली –१.२४ मिलियन डलर

पहिलो सेमिफाइनलमा हार्ने टोली (अष्ट्रेलिया) –५६०,००० डलर

दोस्रो सेमिफाइनलमा हार्ने टोली (दक्षिण अफ्रिका) –५६०,००० डलर