काठमाडौं । चेन्नईस्थित राधा वेम्बु जोहो कर्पोरेशनकी सह–संस्थापक र सीईओ हुन् । उनको कुल सम्पत्ति ४७,५०० करोड (७६ अर्ब बढी नेपाली) रुपैयाँ छ । यो सम्पत्तिसँगै उनी भारतको सबैभन्दा धनी सेल्फ मेड महिला अर्बपति बनेकी छिन् । यो २०२४ अगस्ट ३० मा जारी हुरुन इन्डिया रिच लिस्टले खुलासा गरेको हो । यसले देशका धनी व्यक्तिहरूलाई चित्रण गरेको थियो । राधा बेम्बुको सफलताको कथा दृढ संकल्प र उद्यमशीलताको प्रमाण हो ।

हुरुन इन्डिया रिच लिस्टले भारतको उद्यमशीलताको भावना झल्काउँछ । सूचीमा नायकाकी फाल्गुनी नायर, एरिष्ट्र नेटवक्सकी जयश्री उल्लाल र बायोकोनकी किरण मजुमदार–शा जस्ता प्रसिद्ध नामहरू समावेश छन् । तर, राधा वेम्बु भने शीर्ष स्थानमा छिन् ।

सन् १९७२ मा चेन्नईमा जन्मिएकी राधा वेम्बुको यात्रा निकै प्रेरणादायी छ । उनले नेशनल हायर सेकेन्डरी स्कूल, चेन्नईबाट आफ्नो स्कूलको शिक्षा पूरा गरिन । त्यसपछि उनले प्रतिष्ठित इन्डियन इन्स्टिच्युट अफ टेक्नोलोजी (क्ष्क्ष्त्) मद्रासबाट औद्योगिक व्यवस्थापनमा डिग्री हासिल गरिन । उनको शैक्षिक पृष्ठभूमिले प्राविधिक उद्योगमा उनको भविष्यका प्रयासहरूको लागि बलियो जग राख्यो ।

आफ्नो भाइ श्रीधर बेम्बुसँग मिलेर राधा वेम्बुले जोहो कर्पोरेशन स्थापना गरिन्, जुन सफ्टवेयर क्षेत्रमा विश्वव्यापी शक्ति बनेको छ । संसारभरि यसको लाखौं प्रयोगकर्ताहरू छन् । कम्पनीमा राधा वेम्बुको भूमिका महत्वपूर्ण रहेको छ । जोहोमा उनीसँग अधिकांश हिस्सेदारी छ । कम्पनीको प्रमुख उत्पादनहरू मध्ये एक जोहो मेलको लागि उनले उत्पादन प्रबन्धकको रूपमा सेवा गर्छिन । यसबाहेक उनी कर्पस फाउन्डेसनकी निर्देशक पनि हुन् । यो भारतमा शिक्षा र स्वास्थ्य सेवामा सहयोग गर्ने उद्देश्यले परोपकारी पहल हो ।

जोहो कर्पोरेसनको सफलताको श्रेय उनको नयाँ विचारहरू र ग्राहक सन्तुष्टिप्रतिको प्रतिबद्धतालाई दिन सकिन्छ । राधाको नेतृत्वमा, कम्पनीले निरन्तररूपमा उच्च गुणस्तरको सफ्टवेयर समाधानहरू प्रदान गरेको छ जसले सबै आकारका व्यवसायहरूको आवश्यकताहरू पूरा गर्दछ । उत्कृष्टताप्रतिको यो समर्पणले जोहोलाई बलियो ग्राहक आधार दिएको छ ।

राधाका उपलब्धिहरू उनको व्यावसायिक जीवनभन्दा धेरै टाढा छन् । विशेष गरी शिक्षा र स्वास्थ्य सेवाको क्षेत्रमा उनी आफ्नो परोपकारी प्रयासहरूको लागि परिचित छन्। कर्पस फाउन्डेसनमार्फत उनले ग्रामीण क्षेत्रहरूमा शिक्षाको गुणस्तर सुधार गर्न र विपन्न समुदायहरूलाई स्वास्थ्य सेवा प्रदान गर्ने उद्देश्यका विभिन्न पहलहरूलाई सहयोग पुर्याउँछिन् । उनको प्रतिबद्धताले राम्रो काम गर्न र समाजलाई आफुले केही फिर्ता दिने उनको स्वाभाविक इच्छा झल्काउँछ । अनुवाद गरिएको