काठमाडौं । गएको आर्थिक बर्ष २०८०/८१ मा नेपालले १५ खर्ब ९२ अर्ब बढीको मालवस्तु आयात गरेको छ । स्वदेशमा खपतका लागि नेपालले गत आर्थिक बर्षभरी १५ खर्ब ९२ अर्ब ९८ करोड ५५ लाख रुपैयाँ बराबरको वस्तु आयात गरेको हो । यो अघिल्लो आवको तुलनामा १.१६ प्रतिशतले कम हो ।
यस्तै यसै अवधिमा नेपालबाट भने जम्मा १ खर्ब ५२ अर्ब रुपैयाँ बराबरको वस्तु निर्यात भएको छ । यो अघिल्लो आवको यहि अवधिको तुलनामा ३.०३ प्रतिशतले कम हो । अर्थात एक बर्षमै नेपालको निर्यात व्यापार ३ प्रतिशतले ओरालो लागेको हो ।
यसरी निर्यात ओरालो लागेर १ खर्ब ५२ अर्ब रुपैयाँमा सीमित हुँदा नेपालले व्यहोर्ने व्यापारघाटा पनि १४ खर्ब ४० अर्ब ६० करोड रुपैयाँ पुगेको छ ।
