काठमाडौं । सरकारले धेरै कर दाखिला गर्ने १६ करदातालाई सम्मान गरेको छ । राष्ट्रिय कर दिवस २०८० कर सप्ताह समापन कार्यक्रममा विभिन्न १६ करदातालाई सम्मान गरिएको हो । यो बर्ष भने सरकारलाई बढी कर तिर्ने कम्पनीको पहिलो सूचीमा सुर्य नेपाल पर्न सफल भएको छ । सुर्य नेपालले विभिन्न २ शिर्षकमा धेरै कर तिरेको हो । कम्पनी समयमै कर दाखिला गर्ने कम्पनी पनि बनेको छ ।
धेरै आयकर तिर्ने तर्फ भने नेपाल दुरसंचार कम्पनी लिमिटेड रहेको छ। यस्तै धेरै निर्यात गर्नेमा डाबर नेपाल प्राली पुरस्कृत भएको छ। विशेष उद्योगतर्फ धेरै कर दाखिला गर्ने एशियन पेन्ट्स बनेको छ । बैंकतर्फ धेरै कर तिर्ने ग्लोबल आइएमइ बैंक रहेको । कृषि फर्म तर्फ ओसीबि फिड एन्ड फिड्स प्राली रहेको छ।
सहकारीतर्फ छिमेक लघुबित्त रहेको छ भने शिक्षा तर्फ नोभेल शिक्षण अस्पताल परेको छ। यता बिमातर्फ एलाआइसी नेपालले धेरै कर तिरेको छ ।
पर्यटनतर्फ मनकामना केवकार, बस्तु व्यापारतर्फ भाटभटेनी सुपर मार्केट, मध्यमस्तरीय करदातातर्फ नेपाल स्टक एक्सचेन्ज रहेको छ।
उर्जातर्फ भोटेकोशी उर्जा कम्पनी, रेमिटेन्सतर्फ आइएमी रेमिटान्स कम्पनीले सबैभन्दा धेरै कर तिरेको हो । कम्पनीबाट हेमराज ढकाल सम्मानित भएका छन् ।
व्यक्तिगत आयकर तर्फ बिजय कुमार शाह रहेका छन् । कार्यक्रममा बोल्दै सुर्य नेपालका रवि केसीले करको दरभन्दा पनि दायरा बढाउन सके राजस्वमा सहयोग पुग्ने बताए । उनले दर भन्दा दायरा बढाउन सुझाव दिए । ठुला कर दाताले सिंहदरबार प्रवेश गर्न नपाउने गरेको गुनासो गर्दै सिंहदरबार प्रवेश गर्ने पासको ब्यवस्था गर्नसमेत उनले आग्रह गरेका छन् ।
