काठमाडौं । विश्व आर्थिक मञ्च (वल्र्ड इकोनोमिक फोरम) को रिपोर्ट अनुसार आगामी छ महिनामा विश्व अर्थतन्त्रमा ठूलो उथलपुथल को सम्भावना छ । यसको मतलब विश्वव्यापी स्तरमा मन्दी आउन सक्छ । त्यसको मुख्य कारण राजनीतिक तनाव, भू–अर्थतन्त्रको उतारचढाव र भू–राजनीतिक सम्बन्ध नै हुनेछ ।

अर्कोतर्फ, बजार विज्ञ र अर्थशास्त्रीहरू यसो भएमा धेरै देशकोे अर्थतन्त्र यसबाट अछुतो नरहने बताउँछन् । फोरमको सर्वेक्षण प्रतिवेदन प्रमुख जोखिम अधिकारीहरू (सीआरओ) सँगको अन्तरक्रियामा आधारित छ । सर्वेक्षण गरिएका ८५ प्रतिशतभन्दा बढी सीआरओहरूले विश्वका प्रमुख अर्थतन्त्रहरूमा अस्थिरता आउने विश्वास व्यक्त गरेका छन् ।

उनीहरुका अनुसार कच्चापदार्थको मूल्य बढ्न सक्छ, ब्याजदर बढ्न सक्छ, आपूर्ति श्रृंखला अवरुद्ध हुन सक्छ । अझ कच्चा तेलको मूल्य बढ्न सक्छ र मुद्रास्फीति बढ्न सक्छ । यसबाहेक धेरै देशको मुद्राको अवमूल्यन पनि हुन सक्छ । यसले विश्वको प्रमुख अर्थतन्त्रमा प्रत्यक्ष अनिश्चितता बढाउनेछ, सुस्तताको स्थिति बढ्नेछ । यस्तो अवस्थामा सारा विश्वको अर्थतन्त्रमा अशान्तिको अवस्था श्रृजना हुनेछ । अनुवाद गरिएको