काठमाडौं । फोर्ब्सले विश्वका ९७ देश चीनको ऋणको जालमा फसेको बताएको छ । विश्व बैंकको सन् २०२० सम्मको प्रतिवेदनबाट प्राप्त तथ्यांकलाई विश्लेषण गर्दै चीनियाँ ऋणबारे बताएको हो । चीनका धेरै ऋणी देशहरू प्रायः अफ्रिकामा अवस्थित छन्, तर मध्य एशिया, दक्षिणपूर्वी एशिया र प्रशान्त क्षेत्रका केही देशहरू पनि चीनको ऋणको जालमा फसेका छन् ।
वान बेल्ट एण्ड रोड योजनाअन्तर्गत चीन धेरैजसो देशमा पुगिरहेको छ । विश्वका न्यून आय भएका देशहरूले सन् २०२२ मा चीनबाट ३७ प्रतिशत ऋण लिएका छन् । चीन विश्वभरका बन्दरगाह, रेल र पूर्वाधार निर्माणका लागि आर्थिक सहयोग गर्ने विश्वव्यापी परियोजना ऋणको महत्वपूर्ण स्रोत भएको छ ।
पाकिस्तान, श्रीलंका र माल्दिभ्स चीनको सबैभन्दा ठूलो ऋणी हुन् । फोर्ब्सका अनुसार पाकिस्तानमा चीनको ७७.३ अर्ब डलर विदेशी ऋण छ । यस्तै माल्दिभ्सको ऋण उसको कूल राष्ट्रिय आय (जीएआइ) को ३१ प्रतिशत रहेको छ
माल्दिभ्सको अर्थ मन्त्रालयले जारी गरेको तथ्यांक अनुसार सन् २०२२ को पहिलो त्रैमासिकको अन्त्यसम्ममा देशको ऋण बढेर ९९ अर्ब रुफिया (मालभ्सिको मुद्रा) पुगेको छ । यो जीडीपीको ११३ प्रतिशत थियो । सबैभन्दा ठूलो ऋण बोझ भएका देशहरू जिबूटी र अंगोला थिए, जहाँ चीनको ऋण कुल राष्ट्रिय आयको ४० प्रतिशत भन्दा बढी थियो । अनुवाद गरिएको
