काठमाडौं । विश्वको सबैभन्दा धनी र इलेक्ट्रिक कार निर्माता टेस्लाका सीईओ एलोन मस्कले ट्विटरसँगको ४४ अर्ब डलरको सम्झौता तोड्ने धम्की दिएका छन्। उनले फेक अकाउन्टको बारेमा जानकारी नदिए यो सम्झौताबाट टाढिने बताएका छन् ।
मस्क टेस्लाका साथै स्पेसएक्सका सीईओ हुन्। उनका वकिलले सोमबार ट्वीटरमा पठाएको पत्रमा यस्तो चेतावनी दिएका हुन् । मस्कले सामाजिक सञ्जाल प्लेटफर्म किन्न प्रस्ताव गरेको झण्डै एक महिनापछि कम्पनीले २२ करोड ९० लाख अकाउन्टमध्ये कति फेक छन् भन्ने कुराको मूल्यांकन गर्न कम्पनीलाई लगातार जानकारी दिन आग्रह गरेको उनले बताए ।
वकिलहरूले पत्रमा भनेका छन् कि ट्विटरले जालसाजी खाताहरूको अनुसन्धान मापदण्ड वा विधिहरूबारे विवरणहरू उपलब्ध गराउन मात्र प्रस्ताव गरेको छ। उनको तर्क मस्कको डाटा अनुरोध स्वीकार नगर्नु हो । मस्कले आफैं डाटा प्रमाणित गर्न चाहन्छन् । कम्पनीको तौर तरीका ढिलो भएको उनको भनाई छ । ट्विटरबाट पछिल्लो जानकारीको आधारमा वकिलहरूका अनुसार मस्क कम्पनीले अप्रिल सम्झौता अन्तर्गत सूचनाको अधिकारको उल्लङ्घन गरिरहेको ठान्छन ।
विज्ञहरू भन्छन् कि मस्कले ट्विटरसँगको सम्झौता एकपक्षीय रूपमा रद्द गर्न वा रोक्न सक्दैनन् । यसका बाबजुद पनि, मस्क आफूले वास्तवमै यो गर्न सक्छु भनेर देखाउनबाट हिचकिचाउँदैनन् । यदि उनले यो सम्झौताबाट पछि हटे भने उनले एक अर्ब डलरको ब्रेकअप शुल्क तिर्नुपर्ने हुनसक्ने विज्ञहरु बताउँछन् । विवादको बीचमा सोमबार प्रिमार्केटमा ट्विटरको सेयर पाँच प्रतिशतभन्दा बढीले घटेको थियो ।
