काठमाडौं । विश्वमा धनी र गरिबको खाडल थप फराकिलो बन्दै गएको देखिन्छ । एकातिर विश्वमा गरिबी र भोकमरी बढदो छ भने अर्कोतिर विश्वका धनी व्यक्तिहरुको सम्पत्तिमा भने ठूलो बढोत्तरी भइरहेको छ । विश्वका धनीहरुबारे विवरण प्रकाशित गर्ने । फोर्ब्सको पछिल्लो रिपोर्ट अनुसार विश्वकै धनी व्यक्ति तथा टेस्ला र स्पेसएक्स जस्ता कम्पनीका मालिक एलोन मस्क अहिले धनीहरुको सूचीको पहिलो स्थानमा कायम रहेका छन् ।

मस्कसँग एक्लै २८२ बिलियन डलरको सम्पत्ति रहेको छ । फोर्ब्सका अनुसार सन् २०२२ मा केही दिनबाहेक एलोन मस्कको सम्पत्तिमा वृद्धि भएको छ । उनले संसारको सबैभन्दा धनी व्यक्तिको रूपमा आफ्नो स्थिति सुदृढ गर्न जारी राखेका छन् । उनको कुल सम्पत्ति बाँकी शीर्ष कमाउने अर्बपतिहरूको तुलनामा आकासिएको छ । फोर्ब्सको पछिल्लो सूची हेर्दा ५० वर्षीय एलोन मस्कको सम्पत्ति २८२ बिलियन डलर पुगेको छ ।

अमेजनका जेफ बेजोसको कुल सम्पत्ति १८३.६ बिलियन डलर छ । कोरोना महामारीका बेला सबैभन्दा बढी फाइदा लिने अर्बपतिको सूचीमा एलोन मस्कको नाम शीर्ष स्थानमा छ । रिपोर्टका अनुसार २०२० मा एलोन मस्कको सम्पत्ति ११० बिलियन डलरभन्दा बढीले बढेको थियो, जुन आफैंमा एउटा कीर्तिमान हो ।

फोब्र्सका अनुसार अहिले संसारका १० धनी व्यक्तिहरुसँग मात्र १४४२.४ बिलियन डलरको सम्पत्ति रहेको छ । जसमा दुई भारतीय उद्योगपति मुकेश अम्बानी र अडानी समूहका गौतम अडानी समावेश छन् । यो सूचीमा एलोन मस्क र जेफ बेजोस पछि तेस्रो नम्बरमा बर्नार्ड अर्नाल्ट, चौथोमा बिल गेट्स, पाँचौंमा वारेन बफेट, छैटौंमा ल्यारी पेज, सातौंमा ल्यारी एलिसन र आठौंमा गौतम अडानी छन् । सूचीमा सर्गेई ब्रिन नवौं स्थानमा छन् भने मुकेश अम्बानीको नाम दशौं स्थानमा छ ।

मस्को सम्पत्ति दक्षिणअफ्रिकाको जीडीपी नजिक

फोर्ब्सका अनुसार दक्षिण अफ्रिकामा जन्मेका अर्बपति व्यापारीको हालको सम्पत्ति दक्षिण अफ्रिकाको कूल जीडीपीभन्दा ५० अर्ब डलर मात्र कम रहेको गरिएको छ । जबकी दक्षिण अफ्रिकाको जीडीपी ३३५ बिलियन डलर छ । उनको कम्पनी स्पेसएक्सको लागत कोलम्बिया, फिनल्याण्ड, चिली र पोर्चुगलको जीडीपीभन्दा बढी रहेको छ ।

संसारका १० धनी व्यक्तिहरुको सम्पत्ति (डलरमा)

१- एलोन मस्क- २८२ बिलियन
२- जेफ बेजोस- १८३.६ बिलियन
३- बर्नार्ड अर्नाल्ट-  १६७.४ बिलियन
४- बिल गेट्स- १३४.२ बिलियन
५- वारेन बफेट- १२७.३ बिलियन
६- ल्यारी पेज- ११३.४ बिलियन
७- ल्यारी एलिसन- ११३ बिलियन
८- गौतम अडानी- ११२.९ बिलियन
९- सर्गेई ब्रिन- १०९ बिलियन
१०- मुकेश अम्बानी- ९९.६ बिलियन